टोमॅटोचे बाजारभाव कोसळले, अवघे दोन रुपये किलो भाव

नारायणगावचे टोमॅटो मार्केट राज्यातील अग्रगण्य मार्केट म्हणून ओळखले जाते. मात्र, यावर्षी बाजारभाव नसल्याने मोठया प्रमाणावर आर्थिक फटका बसला आहे. टोमॅटोचे बाजारभाव घसरत गेल्याने शेतकऱ्यांच्या आशेवर पाणी फिरले आहे.

ठळक मुद्देसलग सुरू असलेल्या मुसळधार पावसामुळे टोमॅटो उत्पादनाला मोठा फटका आळेफाटा येथील डाळींब मार्केटमध्ये डाळींबाला ६0 ते ७५ रुपये किलो असा बाजारभाव

नारायणगाव : मेथी, कोथिंबीरला बाजारभाव नसल्याने शेतकरी त्रस्त असतानाच टोमॅटोचे बाजारभाव मंगळवारी (दि.२८) रोजी कोसळले. आवक कमी असतानाही मागणी नसल्याने कृषी उत्पन्न बाजार समितीच्या नारायणगाव उपबाजार केंद्रात टोमॅटो क्रेट ला ५0 ते १५0 रू. असा बाजारभाव मिळाला. टोमॅटोला प्रतिकिलो २ रू.५0 पैसे बाजारभाव असल्याने शेतकऱ्यांनी कवडीमोल भावात टोमॅटोची विक्री केली तर काहींनी टोमॅटो फेकून दिली. टोमॅटो हंगाम सुरू झाल्यापासून पाच महिन्यांच्या कालावधीत निच्चांकी असा दर टोमॅटोला मिळाला आहे.नारायणगावचे टोमॅटो मार्केट राज्यातील अग्रगण्य मार्केट म्हणून ओळखले जाते. टोमॅटो खरेदीसाठी परराज्यातून शंभर ते दिडशे व्यापारी येतात. जून २0१८ पासून टोमॅटोचा हंगाम सुरू झाला, परंतु जून पासूनच सुरू असलेल्या पावसामुळे टोमॅटोला उच्चांकी बाजारभाव मिळाला नाही. जून व जुलै मध्ये चांगल्या प्रतिच्या टोमॅटोला ३५0 ते ४00 रुपये प्रति के्रट असा बाजारभाव मिळाला. त्यानंतर टोमॅटोचे बाजारभाव घसरत गेल्याने शेतकऱ्यांच्या आशेवर पाणी फिरले आहे.गेल्या वर्षी टोमॅटोला उच्चांकी बाजारभाव मिळाल्याने अनेक शेतकरी माला-माल झाले. मात्र, यावर्षी बाजारभाव नसल्याने मोठया प्रमाणावर आर्थिक फटका बसला आहे. त्यातच सलग सुरू असलेल्या मुसळधार पावसामुळे टोमॅटो उत्पादनाला मोठा फटका बसला आहे. नारायणगावचे टोमॅटो मार्केटमध्ये आज (दि.२८) रोजी १७ हजार ८७५ टोमॅटोची आवक झाली.२0 किलोच्या क्रेटला ५0 रुपये पासून १५0 पर्यंत बाजारभाव मिळाला. एप्रिलनंतर सर्वाधिक कमी दर आज मिळाला आहे.     टोमॅटोचे बाजारभाव कोसळल्यानंतर मेथी, कोथंबीर, शेपु या भाजीपाल्यांचे बाजारभाव देखील स्थिर आहेत. कोथंबीर ५२ हजार ६00 जुडीची आवक झाली. त्यास शेकडा ३00 ते १00१ असा बाजारभाव मिळाला. मेथी ९६ हजार ३00 जुडीची आवक झाली. त्यास शेकडा ३00 ते १00१ असा बाजारभाव मिळाला. शेपु २५ हजार ९00 जुडीची आवक झाली. त्यास शेकडा ३0१ ते ५0१ असा बाजारभाव मिळाला. मेथी, कोथंबीर, शेपु या भाजीपाल्यांची एकुण १ लाख ७४ हजार ८00 जुडयांची आवक नारायणगाव उपबाजार केंद्रात झाली,  अशी माहिती कृषी उत्पन्न बाजार समितीचे सभापती अ‍ॅड.संजय काळे व संचालक अ‍ॅड. निवृत्ती काळे यांनी दिली.   ...........................एप्रिल : ३ लाख ४९ हजार १५0 कॅरेटची आवक झाली. प्रति कॅरेट ४0 ते १00 रुपये  बाजारभाव मिळालामे :  ८ लाख १ हजार ८१0 कॅरेटची आवक झाली. प्रति कॅरेट ५0 ते २५0 रुपये बाजारभाव मिळाला. जून : ११ लाख२१ हजार ६३५ कॅरेटची आवक झाली. प्रति कॅरेट१५0 ते २५0 रुपये बाजारभाव मिळाला.जुलै :  १३लाख ७९ हजार ६00 कॅरेटची आवक झाली. प्रति कॅरेट २00 ते ४00 रुपये बाजारभाव मिळाला. आॅगस्ट :  ७ लाख ४३ हजार ६६५ कॅरेटची आवक झाली. प्रति कॅरेट१५0 ते २५0 रुपये बाजारभाव मिळाला. ...................डाळींब ६0 ते ७५ रुपये किलो आळेफाटा येथील डाळींब मार्केटमध्ये डाळींबाला ६0 ते ७५ रुपये किलो असा बाजारभाव मिळाला. २0 किलोच्या डाळींब क्रेटला (जम्बो साईज) १२00 ते १२५१ बाजारभाव मिळाला. नं.१ च्या डाळींब कॅरेटला १000 ते १२00 बाजारभाव मिळाला. नं.२ च्या डाळींब क्रेटला ६00 ते १000 बाजारभाव मिळाला. नं.3 च्या २00 ते ६00 बाजारभाव मिळाला. एकूण २६७५ कॅरेटची आवक झाली. गुरूवार सोडून दररोज डाळींबाची मोठया प्रमाणात खरेदी-विक्री आळेफाटा येथे होते, अशी माहिती बाजार समितीचे उसभापती दिलीप डुंबरे व नारायणगाव उपबाजार केंद्राचे व्यवस्थापक शरद धोंगडे यांनी दिली