मागील काही दिवसांपासून अमेरिकेत महागाई मोठ्या प्रमाणात वाढली आहे. महागाई कमी करण्यासाठी ट्रम्प सरकारने प्रयत्न सुरू केले आहेत. आता टॅरिफ घटवण्यास ट्रम्प सरकारने सुरुवात केली आहे. राष्ट्राध्यक्ष डोनाल्ड ट्रम्प यांनी जीवनावश्यक वस्तुंवरील टॅरिफ कमी केले आहेत. कॉफी, टोमॅटो, केळी आणि गोमांस यासह २०० हून अधिक अन्नपदार्थांना व्यापक कर आकारणीतून सूट देणारा कार्यकारी आदेश स्वाक्षरी केली.
अन्न आयातीवरील कर कमी करण्याच्या ट्रम्प प्रशासनाच्या निर्णयामुळे भारताच्या आंबा, डाळिंब आणि चहा निर्यातीला फायदा होऊ शकतो. काही दिवसांपूर्वी त्यांनी जेनेरिक औषधांवरील कर देखील उठवले. भारत जेनेरिक औषधांचा सुमारे ४७ टक्के पुरवठा करतो.
शुल्क पूर्णपणे काढून टाकले जाणार नाहीत
या आदेशामुळे या वस्तू पारस्परिक शुल्क प्रणालीतून काढून टाकल्या जातात, त्या अंतर्गत दर १० टक्के ते ५० टक्के पर्यंत असतात. ते शुल्क पूर्णपणे काढून टाकत नाही. उदाहरणार्थ, अमेरिकेला प्रमुख पुरवठादार असलेल्या मेक्सिकोमधून आयात केलेले टोमॅटो अजूनही १७ टक्के शुल्काच्या अधीन असतील.
मिळालेल्या माहितीनुसार, जवळजवळ ३० वर्षे जुन्या व्यापार कराराची मुदत संपल्यानंतर जुलैपासून हा दर लागू झाला आहे आणि टोमॅटोच्या किमती लगेच वाढल्या. उष्णकटिबंधीय फळे आणि रस, चहा आणि मसाले अशा आयातींमध्ये आहेत ज्यांवर परस्पिकर शुल्क आकारले जाणार नाही, असे व्हाईट हाऊसने शुक्रवारी जाहीर केले.
व्हाईट हाऊसने जाहीर केलेल्या यादीमध्ये कॉफी आणि चहा, संत्री, टोमॅटो आणि गोमांस यांचाही समावेश आहे. ट्रम्प यांनी भारतातून होणाऱ्या आयातीवर २५ टक्के परस्पर शुल्क लादले आहे आणि रशियन तेलाच्या खरेदीवर अतिरिक्त २५ टक्के शुल्क लावले आहे. महागाई नियंत्रित करण्यासाठी, ट्रम्प यांनी यापूर्वी जेनेरिक औषधांना शुल्कातून सूट दिली होती.
भारताला काय फायदा?
या निर्णयाचा फायदा भारताला झाला, भारत अमेरिकेला सुमारे ४७ टक्के जेनेरिक औषधांचा पुरवठा करतो. ट्रम्प यांचा यू-टर्न महत्त्वपूर्ण मानला जातो.
शुक्रवारी संध्याकाळी एअर फोर्स वनमध्ये या निर्णयाबद्दल विचारले असता, ट्रम्प यांनी पत्रकारांना सांगितले की, त्यांच्या शुल्कामुळे काही प्रकरणांमध्ये किंमती वाढू शकतात, पण एकूणच अमेरिकेत महागाई प्रत्यक्षात नाही. गेल्या आठवड्यातील निवडणुकीत रिपब्लिकन पक्षाच्या खराब कामगिरीनंतर राष्ट्रपतींनी सामान्य माणसाशी संबंधित या मुद्द्यावर लक्ष केंद्रित केले आहे.