मुंबई: महाराष्ट्रातील स्थानिक स्वराज्य संस्थांच्या निवडणुकांचा रणसंग्राम अंतिम टप्प्यात पोहोचला असून, राज्यातील २९ महानगरपालिकांसाठी राजकीय पक्षांनी आपल्या आघाड्या आणि युतीची गणिते पक्की केली आहेत. काही शहरांमध्ये पारंपरिक शत्रू गळ्यात गळे घालून फिरताना दिसत आहेत, तर काही ठिकाणी मित्रपक्षांनीच एकमेकांविरुद्ध शड्डू ठोकले आहेत. १५ जानेवारी २०२६ रोजी होणाऱ्या मतदानापूर्वी राज्याचे राजकीय चित्र अत्यंत रंजक बनले आहे.
ठाकरे बंधूंची ऐतिहासिक युती: यावेळच्या निवडणुकीचे सर्वात मोठे वैशिष्ट्य म्हणजे मुंबई, ठाणे आणि नाशिकसह अनेक शहरांत उद्धव ठाकरे (शिवसेना UBT) आणि राज ठाकरे (मनसे) यांनी हातमिळवणी केली आहे. मुंबई महापालिकेत तब्बल २५ वर्षांनंतर हे दोन्ही बंधू एकत्र आल्याने सत्ताधारी महायुतीसमोर मोठे आव्हान उभे राहिले आहे.
राष्ट्रवादीचे दोन प्रवाह; कुठे एकत्र तर कुठे स्वतंत्रपुणे आणि पिंपरी-चिंचवडमध्ये अजित पवार आणि शरद पवार यांच्या नेतृत्वाखालील दोन्ही राष्ट्रवादी गट एकत्र आल्याने सर्वांच्या भुवया उंचावल्या आहेत. मात्र, इतर अनेक शहरांत हे दोन्ही गट एकमेकांविरुद्ध स्वतंत्रपणे निवडणूक लढवत आहेत.
महायुती आणि महाविकास आघाडीत 'बिघाडी'सत्ताधारी महायुतीमध्ये भाजप आणि शिंदेसेना बहुतांश ठिकाणी एकत्र आहेत, परंतु नाशिक आणि सोलापूरसारख्या शहरात स्थानिक वादांमुळे त्यांनी स्वतंत्रपणे किंवा वेगवेगळ्या मित्रांसोबत जाणे पसंत केले आहे. काँग्रेसनेही अनेक ठिकाणी 'वंचित'सोबत मैत्री करत आपली ताकद आजमावण्याचे ठरवले आहे.
| अ.क्र. | महानगरपालिका | युती / आघाडी (कोणासोबत मैत्री?) | स्वतंत्र लढणारे पक्ष (कुस्ती) |
| १ | मुंबई | १. भाजप+शिंदेसेना+रिपाई (आठवले) २. उद्धवसेना+मनसे+राष्ट्रवादी (श.प.) ३. काँग्रेस+वंचित | राष्ट्रवादी (अजित पवार) |
| २ | ठाणे | १. भाजप+शिंदेसेना युती २. उद्धवसेना+मनसे+राष्ट्रवादी (श.प.) | राष्ट्रवादी (अ.प.), काँग्रेस, वंचित |
| ३ | पुणे | १. भाजप+रिपाई (आठवले) २. दोन्ही राष्ट्रवादी एकत्र (अजित + शरद पवार) ३. काँग्रेस+उद्धवसेना+मनसे | शिंदेसेना, वंचित |
| ४ | नागपूर | १. भाजप+शिंदेसेना युती | काँग्रेस, उद्धवसेना, दोन्ही राष्ट्रवादी, बसप, वंचित, मनसे |
| ५ | नाशिक | १. शिंदेसेना+राष्ट्रवादी (अ.प.) २. उद्धवसेना+मनसे+राष्ट्रवादी (श.प.)+काँग्रेस | भाजप, वंचित, माकप, आप, एमआयएम, सपा |
| ६ | नवी मुंबई | १. मनसे+उद्धवसेना युती | भाजप, शिंदेसेना, दोन्ही राष्ट्रवादी, काँग्रेस |
| ७ | कल्याण-डोंबिवली | १. भाजप+शिंदेसेना+रिपाई २. उद्धवसेना+मनसे युती ३. काँग्रेस+राष्ट्रवादी (श.प.)+वंचित | राष्ट्रवादी (अ.प.), आप |
| ८ | वसई-विरार | १. भाजप+शिंदेसेना युती २. बविआ+मनसे आघाडी | राष्ट्रवादी (अ.प.), काँग्रेस, वंचित |
| ९ | मीरा-भाईंदर | १. उद्धवसेना+मनसे युती | भाजप, शिंदेसेना, दोन्ही राष्ट्रवादी, काँग्रेस, वंचित |
| १० | उल्हासनगर | १. शिंदेसेना+ओमी कलानी+साई पक्ष २. काँग्रेस+उद्धवसेना+मनसे | भाजप, राष्ट्रवादी (अ.प.), वंचित |
| ११ | भिवंडी | १. भाजप+शिंदेसेना युती २. उद्धवसेना+मनसे आघाडी | राष्ट्रवादी (अ.प.), राष्ट्रवादी (श.प.), काँग्रेस, सपा |
| १२ | पनवेल | १. भाजप+शिंदेसेना+राष्ट्रवादी (अ.प.) (महायुती) २. काँग्रेस+उद्धवसेना+राष्ट्रवादी (श.प.)+मनसे+सपा+शेकाप | वंचित |
| १३ | पिंपरी-चिंचवड | १. भाजप+रिपाई (आठवले) २. दोन्ही राष्ट्रवादी एकत्र (अजित + शरद पवार) ३. उद्धवसेना+मनसे | शिंदेसेना, काँग्रेस, वंचित |
| १४ | छत्रपती संभाजीनगर | १. काँग्रेस+वंचित आघाडी २. काही जागी काँग्रेस+राष्ट्रवादी (श.प.) | भाजप, शिंदेसेना, उद्धवसेना, राष्ट्रवादी (अ.प.) |
| १५ | सोलापूर | १. शिंदेसेना+राष्ट्रवादी (अ.प.) युती २. काँग्रेस+राष्ट्रवादी (श.प.)+माकप+उद्धवसेना | भाजप, वंचित, एमआयएम |
| १६ | कोल्हापूर | १. भाजप+शिंदेसेना+राष्ट्रवादी (अ.प.)+रिपब्लिकन (कवाडे) २. काँग्रेस+उद्धवसेना ३. राष्ट्रवादी (श.प.)+वंचित+आप | जनसुराज्य शक्ती+रिपब्लिकन (आठवले) |
| १७ | सांगली-मिरज | १. काँग्रेस+राष्ट्रवादी (श.प.) २. उद्धवसेना+मनसे+राष्ट्र विकास सेना | भाजप, राष्ट्रवादी (अ.प.) (छुपा समझोता), शिंदेसेना, वंचित |
| १८ | अहमदनगर | १. राष्ट्रवादी (अ.प.)+भाजप युती २. काँग्रेस+राष्ट्रवादी (श.प.)+उद्धवसेना | शिंदेसेना, एमआयएम, वंचित, मनसे |
| १९ | अकोला | १. भाजप+राष्ट्रवादी (अ.प.) २. काँग्रेस+राष्ट्रवादी (श.प.) ३. उद्धवसेना+मनसे (काही ठिकाणी काँग्रेससोबत) | शिंदेसेना, वंचित, बसप, एमआयएम, प्रहार, आप |
| २० | अमरावती | १. काँग्रेस+उद्धवसेना (१४ जागा) २. उद्धवसेना+मनसे (२ जागी राष्ट्रवादी अ.प. सोबत मैत्री) ३. वंचित+युनायटेड फोरम | भाजप, शिंदेसेना, राष्ट्रवादी (श.प.), एमआयएम |
| २१ | चंद्रपूर | १. भाजप+शिंदेसेना युती २. उद्धवसेना+वंचित युती | काँग्रेस, दोन्ही राष्ट्रवादी, बसप, आप |
| २२ | नांदेड | १. काँग्रेस+वंचित आघाडी २. शिंदेसेना+राष्ट्रवादी (अ.प.) (दक्षिणमध्ये १६ जागा) | भाजप, उद्धवसेना, मनसे, दोन्ही राष्ट्रवादी |
| २३ | परभणी | १. काँग्रेस+उद्धवसेना आघाडी २. दोन्ही राष्ट्रवादी एकत्र (अजित + शरद पवार) | भाजप, शिंदेसेना, वंचित, एमआयएम |
| २४ | लातूर | १. काँग्रेस+वंचित आघाडी | भाजप, दोन्ही राष्ट्रवादी, दोन्ही सेना |
| २५ | जळगाव | १. भाजप+शिंदेसेना+राष्ट्रवादी (अ.प.) युती २. उद्धवसेना+राष्ट्रवादी (श.प.) आघाडी ३. काँग्रेस+वंचित आघाडी | --- |
| २६ | धुळे | १. शिंदेसेना+राष्ट्रवादी (अ.प.) युती २. उद्धवसेना+राष्ट्रवादी (श.प.)+काँग्रेस+मनसे | भाजप, एमआयएम, बसप, वंचित, आप |
| २७ | मालेगाव | १. इस्लाम (LAMP) + सपा आघाडी | भाजप, शिंदेसेना, उद्धवसेना, दोन्ही राष्ट्रवादी, काँग्रेस, वंचित, एमआयएम |
| २८ | जालना | १. राष्ट्रवादी (अ.प.)+मनसे युती २. महाविकास आघाडी (काँग्रेस+श.प.+उद्धवसेना) | भाजप, शिंदेसेना, वंचित, आप, बसप |
| २९ | इचलकरंजी | १. भाजप+शिंदेसेना+राष्ट्रवादी (अ.प.) युती २. काँग्रेस+मनसे+राष्ट्रवादी (श.प.) ३. वंचित+आप आघाडी | उद्धवसेना, एमआयएम, बसप |
Web Summary : Maharashtra's local elections see shifting alliances. Thackeray brothers unite in key cities. NCP factions split or merge. BJP-Shinde Sena face challenges, with Congress exploring alliances with smaller parties, shaping a dynamic political landscape for upcoming polls.
Web Summary : महाराष्ट्र के स्थानीय चुनावों में बदलते गठबंधन दिख रहे हैं। ठाकरे बंधु प्रमुख शहरों में एकजुट हुए। एनसीपी गुट विभाजित या विलय हो रहे हैं। भाजपा-शिंदे सेना को चुनौतियों का सामना करना पड़ रहा है, कांग्रेस छोटे दलों के साथ गठबंधन की तलाश कर रही है, जिससे आगामी चुनावों के लिए एक गतिशील राजनीतिक परिदृश्य बन रहा है।