लाडक्या बहिणींसाठी खुशखबर; e-KYC साठी मुदतवाढ, जाणून घ्या नवीन तारीख...
By ऑनलाइन लोकमत | Updated: November 18, 2025 16:06 IST2025-11-18T16:04:34+5:302025-11-18T16:06:10+5:30
Ladki Bahin Yojana eKYC: मुख्यमंत्री ‘लाडकी बहीण’ योजनेच्या e-KYC प्रक्रियेची अंतिम मुदत वाढवण्यात आली आहे.
लाडक्या बहिणींसाठी खुशखबर; e-KYC साठी मुदतवाढ, जाणून घ्या नवीन तारीख...
Ladki Bahin Yojana e-KYC: महाराष्ट्रातील महिलांसाठी एक खुशखभर आहे. मुख्यमंत्री माझी ‘लाडकी बहीण’ योजनेच्या e-KYC प्रक्रियेची अंतिम मुदत वाढवण्यात आली आहे. राज्याच्या महिला व बालविकास मंत्री अदिती तटकरे यांनी ही माहिती दिली. पूर्वी 18 नोव्हेंबर 2025 ही शेवटची तारीख ठरवण्यात आली होती, मात्र आता ही तारीख 31 डिसेंबर 2025 पर्यंत वाढवण्यात आली आहे.
Mumbai, Maharashtra: Minister Aditi Sunil Tatkare says, "Under the Chief Minister’s Ladli Bahen / Ladki Bahen Scheme, the e-KYC process had started two months ago, and the last date was set for 18th November. Today, with the permission and guidance of respected Chief Minister… pic.twitter.com/0PwexvqIzn
— IANS (@ians_india) November 18, 2025
माध्यमांशी संवाद साधताना आदिती तटकरे म्हणाल्या, e-KYC प्रक्रिया दोन महिन्यांपूर्वी सुरू करण्यात आली होती. 18 नोव्हेंबर ही शेवटची तारीख होती. परंतु, मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि अजित पवार यांच्या निर्देशानुसार ही मुदत 31 डिसेंबरपर्यंत वाढवण्यात आली आहे. अनेक पात्र महिलांची e-KYC प्रक्रिया OTP समस्येमुळे पूर्ण होऊ शकली नव्हती. नवीन मुदत मिळाल्याने कोणताही लाभार्थी योजनेपासून वंचित राहणार नाही, असेही त्यांनी स्पष्ट केले.
e-KYC कशी करायची?
लाडकी बहीण योजना सुरू ठेवण्यासाठी संबंधित बँक खाते आधारशी लिंक असणे बंधनकारक आहे. e-KYC करताना आधार क्रमांक नोंदवल्यानंतर आधार-लिंक मोबाइलवर OTP येतो. हा OTP टाकल्यानंतर तुमची e-KYC प्रक्रिया पूर्ण होते. मात्र, गेल्या काही दिवसांपासून तांत्रिक अडचणीमुळे OTP येत नाहीये आणि त्यामुळेच अनेक महिलांना या प्रक्रियेत अडचणी येत होत्या. आता मुदतवाढ मिळाल्याने त्यांना दिलासा मिळणार आहे.