अजितदादांचा अपघात नेमका कसा झाला? उद्या एएआयबीचा अहवाल, रोहित पवारांकडेही धक्कादायक पुरावे!

उपमुख्यमंत्री अजित पवार यांच्या हेलिकॉप्टरला झालेल्या दुर्दैवी अपघाताला उद्या एक महिना पूर्ण होत आहे. या पार्श्वभूमीवर आमदार रोहित पवार यांनी ट्विटरच्या माध्यमातून सरकार आणि चौकशी समितीवर निशाणा साधला आहे.  तसेच येत्या सोमवारी आम्ही पत्रकार परिषदेत धक्कादायक पुरावे मांडणार आहोत,"असा इशारा देत त्यांनी राजकीय वर्तुळात खळबळ उडवून दिली आहे.

केंद्रीय नागरी उड्डाण राज्यमंत्री मुरलीधर मोहोळ यांनी दिलेल्या माहितीनुसार, या अपघाताचा एएआयबीचा प्राथमिक अहवाल उद्या येणे अपेक्षित आहे. या अहवालातून अपघाताचे नेमके कारण आणि सत्य परिस्थिती समोर येईल, अशी आशा व्यक्त केली जात आहे.

अजितदादांच्या दुर्दैवी अपघाताला उद्या एक महिना पूर्ण होत असून केंद्रीय नागरी उड्डाण राज्यमंत्री मुरलीधर मोहोळ यांनी सांगितल्याप्रमाणे उद्या AAIB चा प्राथमिक अहवाल येईल आणि या अहवालातून सत्य गोष्टी बाहेर येतील, अशी अपेक्षा आहे. येत्या सोमवारी आम्ही आमच्याकडे आलेली नवी माहिती आणि…

— Rohit Pawar (@RRPSpeaks) February 27, 2026

रोहित पवार म्हणाले की, "अजितदादांच्या दुर्दैवी अपघाताला उद्या एक महिना पूर्ण होत असून केंद्रीय नागरी उड्डाण राज्यमंत्री मुरलीधर मोहोळ यांनी सांगितल्याप्रमाणे उद्या एएआयबीचा प्राथमिक अहवाल येईल आणि या अहवालातून सत्य गोष्टी बाहेर येतील, अशी अपेक्षा आहे. येत्या सोमवारी आम्ही आमच्याकडे आलेली नवी माहिती आणि धक्कादायक पुरावे पत्रकार परिषदेच्या माध्यमातून मांडणार आहोत, त्यामुळे भूतकाळातील इतर घटनांप्रमाणे थातुरमातूर अहवाल देण्याचा प्रयत्न एएआयबी नक्कीच करणार नाही, ही अपेक्षा!"