शेजारी राहणा:या तरुणाला अटक : चोरी करताना पकडले इतकाच लहानगीचा दोष
मुंबई : चेंबूरच्या पंचशील नगरात काल एका सात वर्षाच्या असाहाय्य चिमुरडीची गळा आवळून निर्घृणपणो हत्या करण्यात आली. ब्युटी सरकार असे त्या चिमुरडीचे नाव आहे. घरात घुसलेल्या शेजा:याला चोरी करताना पकडले आणि जाब विचारला इतकाच तिचा दोष.
चिमुरडीची हत्या करून शहर सोडून जाण्याच्या बेतात असलेल्या आरोपी शेजा:याला गुन्हे शाखेच्या चेंबूर युनिटने रात्री उशिरा गजाआड केले. ब्युटीचे आई-वडील मजूर आहेत. ते नेहमीप्रमाणो काल सकाळी कामावर निघून गेले होते. त्यामुळे ब्युटी तिच्या भावासह घरी एकटीच होती. शेजारी राहणारा पोकास दिवाकर हजरा (3क्) हा तरुण ब्युटीच्या घरी आला. पोकास ब्युटीच्या घरी नेहमी आपला फोन चार्ज करण्यासाठी येत असे. कालही तो चाजिर्गसाठीच आला. मात्र फोन चार्ज करता करता त्याने ब्युटीच्या घरातील सामान उसकण्यास सुरुवात केली. इतक्यात ब्युटी घरी आली. तिने पोकासला शोधाशोध करताना पाहिले. तुझे नाव मी बाबांना सांगेन, असा दमही तिने भरला. तेव्हा दारूच्या नशेत असलेला पोकास बिथरला. त्याने भीतीपोटी पुरावा मागे न सोडण्याच्या उद्देशाने ब्युटीचा गळा आवळला. तिचा मृतदेह पाण्याच्या बादलीत बुडवून पसार झाला. त्याने ब्युटी बादलीत पडली आणि तिचा अपघाती मृत्यू झाला, असे भासविण्याचा प्रय} केला होता. (प्रतिनिधी)
मृत मुलीवर आरोपीने बलात्कार केल्याचा आरोप रहिवाशांकडून केला जात आहे. मात्र पोलिसांनी केवळ त्याच्यावर हत्येचा गुन्हा दाखल केला असल्याने त्याच्यावर बलात्काराचादेखील गुन्हा दाखल करून त्याला फाशीची शिक्षा द्यावी, अशी मागणी रहिवाशांकडून केली जात आहे. यासाठी या रहिवाशांनी आज टिळक नगर पोलीस ठाण्याला घेराव घातला. मात्र वैद्यकीय चाचणीतून या चिमुरडीवर लैंगिक अत्याचार झालेले नाहीत, असे स्पष्ट झाल्याचे टिळक नगर पोलीस ठाण्याचे वरिष्ठ निरीक्षक भागवत सोनावणो यांनी सांगितले.