विविध गंभीर गुन्ह्यामध्ये पाेलिसांच्या रेकाॅर्डवर असणाऱ्या आराेपींची नावे माेस्ट वाॅण्टेड यादीतून कमी करण्यासाठी लातूर पाेलिसांनी विशेष माेहीम हाती घेतली आहे. उर्वरित फरार असलेल्या आराेपींचा शाेध पाेलीस अधीक्षक निखिल पिंगळे यांच्या पथकाकडून घेतला जात आहे. लातूर जिल्ह्यातील २३ पाेलीस ठाण्यांच्या हद्दीत घडणाऱ्या गुन्ह्यांच्या आकडेवारीवरून घडलेल्या गुन्ह्यांमधील जुलै ते ऑगस्ट २०२१ अखेरपर्यंत पाेलिसांना पाहिजे असलेल्या गुन्हेगारांपैकी १४ जणांच्या मुसक्या आवळण्यात आल्या आहेत. विशेष पथकाने शाेध घेत यातील १४ वाॅण्टेड आराेपींना पकडत गुन्ह्यांची उकल करण्याचा प्रयत्न केला आहे. त्यांच्याकडून काही प्रमाणात मुद्देमालही जप्त करण्यात आला आहे. या माेहिमेसाठी स्थानिक गुन्हे शाखेच्या पथकानेही याेगदान दिले आहे.
फरार आराेपींची अभिलेखावरील संख्या कमी करण्यासाठी विशेष शाेध माेहीम उघडण्यात आली आहे. या माेहिमेसाठी सात पाेलीस उपविभागातील विशेष पथकांची निर्मिती करण्यात आली असल्याची माहिती पाेलीस अधीक्षक निखिल पिंगळे यांनी दिली. गुन्ह्याच्या तपासाकामी फरार असणाऱ्या आराेपींचा अधिक फायदा हाेताे. त्या अनुषंगाने पाेलीस अधीक्षक पिंगळे यांनी लातूर जिल्ह्यातील विविध गुन्ह्यांमध्ये फरार असलेल्या आराेपींना अटक करण्याचे आदेश पथकांना दिले आहेत. त्यानुसार ही कारवाइची माेहीम हाती घेण्यात आली आहे. पाेलीस पथक उर्वरित फरार आराेपींचा शाेध घेत असल्याची माहितीही सूत्रांनी दिली.
पाेलिसांना करावा लागताे अडचणींचा सामाना...
एखाद्या गुन्ह्यात फरार असलेल्या आराेपींचा शाेध घेण्यासाठी अनेक अडचणींना सामाेरे जावे लागते. सर्वाेच्च न्यायालयाच्या निर्देशानुसार आराेपींना शाेधताना आधार कार्डाची माहिती गाेपनीय असल्याने ती पाेलिसांना मिळविता येत नाही. याचा फायदा घेत अनेक आराेपी नाव बदलून राहतात अथवा परराज्यात पळून जातात. परिणामी, त्यांच्या शाेधकार्यात अनेक अडथळे येतात. मात्र, अशा अडचणींवर मात करत पाेलीस वाॅण्टेड आराेपींचा शाेध घेत मुसक्या आवळत आहेत. हे विशेष..!
चाेरी, मारामारीसह इतर गंभीर गुन्हे दाखल...
लातूर जिल्ह्यातील वेगवेगळ्या पाेलीस ठाण्यांच्या हद्दीत पाकीटमार, हाणामारीपासून ते बेकायदेशीर शस्त्र बाळगणे, घरफाेडी, दुचाकी चाेरी, सार्वजिनक ठिकाणी गाेंधळ घालून दहशत निर्माण करणे, प्राणघातक हल्ला करणे, फसवणूक करणे, विनयभंग करणे, अपघात करून फरार हाेणे, काळाबाजार करणे, खून करून फरार हाेणे यासारख्या गंभीर गुन्ह्यात गत पाच ते दहा वर्षांपासून फरार असलेल्या आराेपींचा अटक करण्यात आलेल्यामध्ये समावेश आहे.
आराेपींच्या शाेधासाठी विशेष पथके
पाेलिसांच्या रेकाॅर्डवर फरार असलेल्या आराेपींच्या शाेधासाठी विशेष पथकासह स्थानिक गुन्हे शाखेची पथके नियुक्त करण्यात आली आहेत. या पथकामध्ये एक पाेलीस अधिकारी आणि कर्मचाऱ्यांचा समावेश आहे. यांच्या दिमतीला सायबरसेलही आहे. परराज्यासह इतर जिल्ह्यातील फरार आराेपींना अटक करण्यासाठी ही पथके रवाना केली जातात.
परजिल्ह्यासह राज्यातील गुन्हेगारांचा समावेश...
अनेक प्रकरणांमध्ये आराेपींनी तुरुंगाची शिक्षा भाेगल्यानंतर पुन्हा गुन्हे केल्यास समाेर आले आहे. स्थानिक फारार आणि पाहिजे असलेल्या आराेपीच्या संख्येत स्थानिक आराेपींचे अल्प प्रमाण आहे. तर परराज्यातील आणि जिल्ह्यातील आराेपींची संख्या अधिक आहे.