उदगीर येथील रघुकुल मंगल कार्यालयात रविवारी रोटरी क्लब ऑफ उदगीर सेंट्रल व रोटरॅक्ट क्लब ऑफ उदगीरच्या २०२१-२२च्या नूतन पदाधिकाऱ्यांचा पदग्रहण व शिक्षक पुरस्कार वितरण सोहळा पार पडला. यावेळी ते बोलत होते.
व्यासपीठावर रोटरी डिस्ट्रिक्ट ३१३२चे प्रांतपाल डॉ. ओमप्रकाश मोतीपवळे, सहा. प्रांतपाल अनिल चवळे, ॲड. सविता मोतीपवळे, रोटरी क्लब ऑफ उदगीर सेंट्रलचे अध्यक्ष प्रमोद शेटकार, सचिव रवींद्र हसरगुंडे, अपेक्षा शेटकार, रोहिणी हसरगुंडे, रोटरॅक्ट क्लबचे अध्यक्ष सचिन पेन्सलवार, सचिव अभिजित विश्वनाथे उपस्थित होते. रोटरीचे प्रांतपाल डॉ. ओमप्रकाश मोतीपवळे यांनी रोटरीच्या माध्यमातून श्री क्षेत्र पंढरपूर येथील चंद्रभागा नदीच्या स्वच्छतेची मोहीम हाती घेण्यात येणार असल्याचे सांगत रोटरी परिवार हा आंतरराष्ट्रीय स्तरावर कार्य करीत असताना याठिकाणी रक्ताच्या पलीकडचे नाते निर्माण होते, असे सांगितले.
प्रास्ताविक रोटरीचे मावळते अध्यक्ष रो. विशाल तोंडचिरकर यांनी केले. मावळत्या सचिव कीर्ती कांबळे यांनी मागील वर्षाचा आढावा सादर केला. रोटरीचे नूतन अध्यक्ष प्रमोद शेटकार व रोटरॅक्टचे अध्यक्ष सचिन पेन्सलवार यांनी आगामी वर्षात राबविण्यात येणाऱ्या उपक्रमांची माहिती दिली. यावेळी महाराजांच्या हस्ते राजकुमार शिवशिवे, नामदेव चोले, छाया कुटेमाटे, महादेव विश्वनाथे, सुनंदा सरदार आदी शिक्षकांना राष्ट्राचे शिल्पकार पुरस्कार देऊन गौरविण्यात आले. श्रेया शेटकार हिने गणेश वंदनेने पाहुण्यांचे स्वागत केले. सूत्रसंचालन विशाल जैन व मंगला विश्वनाथे यांनी केले, तर आभार रवींद्र हसरगुंडे यांनी मानले. कार्यक्रमास उपविभागीय अधिकारी प्रवीण मेंगशेट्टी, सामाजिक कार्यकर्ते रमेश आंबरखाने, मोतीलाल डोईजोडे, ॲड. एस. टी. पाटील, डिस्ट्रिक्ट सेक्रेटरी लक्ष्मीकांत सोनी, नंदकिशोर लोया, सोनू डगवाले, विजयकुमार बिरादार, शिवाजी पाटील यांच्यासह शहरातील विविध सामाजिक, राजकीय क्षेत्रातील पदाधिकारी, प्रतिष्ठित नागरिक उपस्थित होते.