प्लॅटफाॅर्म तिकीट
विक्रीला प्रतिसाद...
१ लातूर येथील रेल्वेस्थानकावर नातेवाइकांना साेडायला अनेक जण येतात. परिणामी, प्लॅटफार्म तिकिटाच्या विक्रीला अलीकडे चांगला प्रतिसाद मिळत आहे.
२ लातूर परिसरातील प्रवाशांचे नातेवाइक रेल्वेस्थानकात येताना बहुतांश जण हे तिकीट घेऊनच वावरत असतात. यातून रेल्वेच्या उत्पन्नात दिवसेंदिवस वाढ हाेत आहे.
३ प्लॅटफार्म तिकिटाचा दर दहा रुपये आहे. लातूर वगळता इतर ठिकाणी हे दर २० रुपये झाले हाेते. मात्र, लातूरमध्ये हे दर ‘जैसे थे’ आहेत.
प्लॅटफार्म तिकिटाविना वावरणाऱ्यांवर कारवाई...
लातूर येथील रेल्वेस्थानक फारसे माेठे नाही. मात्र, प्रमुख आणि जवळचा मार्ग म्हणून या मार्गावरून अनेक रेल्वे धावतात. या रेल्वेस्थानकातून सध्या सात एक्स्प्रेस धावत आहेत. परिणामी, रेल्वेस्थानकावर प्रवाशांसह नातेवाइकांची माेठ्या प्रमाणावर गर्दी हाेत आहे. बहुतांश नातेवाईक रेल्वे प्लॅटफार्म तिकीट घेऊनच स्थानक परिसरात वावरतात. तिकीट तपासणीत ज्यांनी काेणी तिकीट घेतले नाही, अशांवर रेल्वेकडून दंडात्मक कारवाई केली जाते. मात्र, हा टक्का फारच कमी आहे. बहुतांश प्रवाशांचे नातेवाईक रेल्वे प्लॅटफार्म तिकीट खरेदी करतात, असे रेल्वेच्या सूत्रांनी सांगितले.
सुरू असलेल्या एक्स्प्रेस...
लातूर - मुंबई
बीदर - मुंबई
लातूर - यशवंतपूर
हैदराबाद - हडपसर
नांदेड - पनवेल
काेल्हापूर - नागपूर
काेल्हापूर - धनबाद