Latest Marathi News

लक्ष्मण मोरे, पुणेशहराच्या मध्यवर्ती भागांसह उपनगरांमध्ये झपाट्याने उभ्या राहत असलेल्या उंचच उंच इमारतींच्या फायर आॅडिटकडे अग्निशामक दलाकडून दुर्लक्ष होत असून, या इमारतींमध्ये राहणाऱ्या नागरिकांच्या जिवाशी खेळ सुरू आहे. शहरामध्ये असलेल्या उंच इमारतींचा आकडा अग्निशामक दलाकडेच उपलब्ध नाही. आतापर्यंत किती इमारतींचे फायर आॅडिट झाले आहे आणि किती इमारतींना ना हरकत दाखले देण्यात आल्याची माहितीही अग्निशामक दलाकडे नसल्याचे खुद्द अग्निशामक दलाचे प्रमुख प्रशांत रणपिसे यांनीच सांगितले.> इमारत उभी करताना फायर अॅक्टमधील तरतुदींनुसार बांधकाम झाले आहे की नाही, यासंबंधीचा ‘ना हरकत दाखला’ अधिकार नसलेलेच अधिकारी देत असल्यामुळे या विषयाचे गांभीर्य वाढले आहे. इमारतीच्या बांधकामासाठी संबंधित बांधकाम व्यावसायिकाला महापालिकेकडून, तसेच अग्निशामक दलाकडून ‘ना हरकत दाखला’ घ्यावा लागतो. हा दाखला देण्याआधी संबंधित इमारतीमध्ये फायर अॅक्टनुसार अग्निशामक दल आणि महापालिकेच्या अधिकाऱ्यांकडून तपासणी होणे अपेक्षित आहे. ही तपासणी केल्यानंतर इमारतीमध्ये अग्निप्रतिरोधक यंत्रणा बसविली आहे किंवा नाही, स्प्रिंकल्स, पाण्याची व्यवस्था आणि फायर अलार्म बसविण्यात आला आहे किंवा नाही, हे पाहण्याची आवश्यकता असते. ही व्यवस्था करण्यात आलेली असेल, तरच ना हरकत दाखला देण्याची तरतूद कायद्यामध्ये असतानाही काही अधिकारी नागरिकांच्या सुरक्षेकडे दुर्लक्ष करीत तपासणी न करताच दाखले देत असल्याची माहिती सूत्रांनी दिली़> फायर अॅक्टनुसार इमारतीला दोन जिने असणे बंधनकारक आहे. विहित मर्यादेपेक्षा अधिक उंचीची इमारत असेल, तर इमारतीला स्वतंत्र फायर लिफ्ट देणेही बंधनकारक करण्यात आलेले आहे; परंतु अनेक इमारतींना दोन जिनेही नसतात आणि फायर लिफ्टही नसते. अशा इमारतींनाही अग्निशामक दलाकडून ना हरकत दाखले कसे काय दिले जातात, असा प्रश्न उपस्थित होत आहे. वर्षामधून दोन वेळा प्रत्येक इमारतीला फायर अॅक्टमधील तरतुदीनुसार प्रत्येक इमारतीचा ‘फॉर्म बी’ भरून घेणे आवश्यक आहे. हा फॉर्म जानेवारी आणि जुलै अशा दर सहा महिन्यांनी भरून घेणे आवश्यक आहे. हा फॉर्म भरून घेताना संबंधित अधिकाऱ्यांनी इमारतीच्या फायर सिस्टीमची माहिती घेणे आणि त्याची प्रत्यक्ष पाहणी करणे अपेक्षित आहे; परंतु काही अधिकारी तपासणी न करताच इमारतींचे फॉर्म बी भरून देत असल्याच्याही तक्रारी अग्निशामक दलाच्या वरिष्ठ अधिकाऱ्यांकडे आलेल्या आहेत. मनुष्यबळाची कमतरता असल्याने त्यांचे हे उद्योग सुरू असल्याचे सांगितले जाते़> अग्निशामक दलाच्या काही अधिकाऱ्यांच्या दुर्लक्षामुळे, तसेच उदासीनतेमुळे मुंबईसारखी परिस्थिती उद्भवल्यास खूप मोठी हानी होण्याची शक्यता आहे. अग्निशामक दलाचे जवान सक्षम असले, तरीदेखील कोट्यवधींचे साहित्य धूळ खात पडून असल्यामुळे मर्यादा येत आहेत. मुख्य अग्निशामक अधिकाऱ्याला फायर अॅक्टनुसार फायर फायटिंग सिस्टीम न बसविणाऱ्या इमारतींना ‘सील’ ठोकण्याचे अधिकार आहेत; परंतु प्रमुखांनी अशी कारवाई केल्याचे एकही उदाहरण नाही.

Daily Horoscope : जाणून घ्या कसा असेल तुमचा आजचा दिवस... ...

बुधवारी महाराष्ट्रात ४.३० लाख लोकांना लस ; देशात आतापर्यंत ८.७५ कोटी लोकांचे लसीकरण ...

दारुबंदीमुळे आदिवासी युवतीचे लग्न थांबले: बिहारमध्ये सरपंचाला अटक ...

आर्थिक अडचणीतूनही मार्ग : ममत्व अन् कल्पकतेच्या जोरावर घडला प्रयोग ...

Mahhi Vij and daughter Tara's emotional goodby Video: आपल्या आईच्या कुशीत जाण्यासाठी तारा कसा हट्ट करतेय ते या व्हिडीओत पाहायला मिळतंय. ...

मोदी सरकारच्या अनेक उणिवा चव्हाट्यावर आणण्याची संधी काँग्रेससाठी चालून आली आहे. गमावल्यास परत येईलच असे नाही. ...