कोल्हापूर : जुना राजवाडा पोलिसांच्या गुन्हे अन्वेषण शोध पथकाने बुधवारी रात्री उशिरा दुचाकी चोरट्यास अटक केली. त्याच्याकडून सुमारे ८० हजार रुपये किमतीच्या दोन चोरीच्या दुचाकी जप्त केल्या. सुहास सदाशिव सटाले (४२, रा. प्लॉट नं. ४२३,४२४ जिवबा नाना जाधव पार्क, न्यू वाशीनाका, कोल्हापूर) असे अटक केलल्या दुचाकी चोरट्याचे नाव आहे.
शहरातून रोज दुचाकी चोरीच्या घटना घडत असतानाच जुना राजवाडा पोलिसांनी निर्माण चौक मैलखड्डा मैदानजवळून सुहास सटाले याला किमती दुचाकीसह संशयावरून ताब्यात घेतले. त्याच्याकडे चौकशी केली असता त्याने ती स्पोर्टस् बाईक चोरीची असल्याचे सांगितले. त्यानंतर अधिक चौकशी करता त्याने कळब्यातील अमरनाथ मंदिर, गणेश कॉलनीतून आणखी एक दुचाकी चोरल्याचे उघडकीस आले, तीही दुचाकी पोलिसांनी ताब्यात घेतली. त्याला अटक करण्यात आली असून त्याच्याकडून आणखी दुचाकी चोरीचे गुन्हे उघडकीस येण्याची शक्यता आहे.
फोटो नं. १४०१२०२०-कोल-सुहास सटाले (आरोपी)
फोटो नं. १४०१२०२०-कोल-जुना राजवाडा पोलीस
ओळ : जुना राजवाडा पोलिसांनी चोरट्यास अटक करून त्याच्याकडून चोरीच्या दोन दुचाकी जप्त केल्या.