कोल्हापूर : शहरामध्ये झालेल्या महास्वच्छता अभियानामध्ये दीड टन कचरा व प्लास्टिक गोळा करण्यात आला. मोहिमेचा ९० वा रविवार असून, सामाजिक संघटना, शालेय विद्यार्थी, एनएसएसचे विद्यार्थी मोठ्या संख्येने उपस्थित होते. महापालिका प्रशासक डॉ. कादंबरी बलकवडे यांच्या मार्गदर्शनाखाली मोहीम झाली.
टेंबलाईवाडी उड्डाण पूल परिसर, जैन बोर्डिंग ते खानविलकर पेट्रोलपंप, दसरा चौक ते तलवार चौक ते तांबट कमान, गजानन महाराज नगर ते क्रीडा संकुल रोड, पंचगंगा घाट व स्मशानभूमी परिसर, शुगरमिल चौक ते शिये टोल नाका परिसर येथील परिसर चकचकीत केला. स्वरा फौंडेशनच्यावतीने पंचगंगा नदी घाट व परिसर येथे स्वच्छतासह वृक्षारोपण केले.
चौकट
बलचमूने केले वृक्षारोपण
वृक्षप्रेमी संस्थेच्या दोन टीमद्वारे सानेगुरुजी वसाहत राजोपाध्येनगर येथे लहान मुलांच्या हस्ते वृक्षारोपण केले. रुईकर कॉलनी येथील त्रिकोणी बाग स्वच्छता करून वृक्षारोपण केेले. यावेळी स्थानिक नागरिकांना पर्यावरणीय प्रबोधन केले. यावेळी वृक्षप्रेमी वेल्फेअर ऑर्गनायझेशन संस्थेचे सतीश कोरडे, भालचंद्र गोखले, उदयसिंह जाधव, परितोष उरकुडे, साजिद शेख, विश्वेश चव्हाण आदी उपस्थित होते.
महापालिकेची यंत्रणा
४ जेसीबी, ७ डंपर, ६ आरसी गाड्या, ३ औषध फवारणी, २ ट्रॅक्टर ट्रॉली व २ पाणी टँकर, १३० कर्मचारी.
फोटो : १७०१२०२१ केएमसी स्वच्छता न्यूज १
ओळी : कोल्हापुरात रविवारी महापालिकेच्यावतीने स्वच्छता मोहीम राबवण्यात आली. यावेळी सामाजिक संघटनांनी उत्स्फुर्त सहभाग घेतला.
फोटो : १७०१२०२१ केएमसी स्वच्छता न्यूज २
ओळी : कोल्हापूर महापालिकेच्या स्वच्छता मोहिमेत प्रशासक डॉ. कादंबरी बलकवडे यांनीही हातात झाडू घेऊन स्वच्छता केली.
फोटो : १७०१२०२१ केएमसी स्वच्छता न्यूज ३
ओळी : कोल्हापूर महापालिकेच्या स्वच्छता मोहिमेसोबत वृक्षारोपण मोहीमही राबविण्यात आली.