Kolhapur (Marathi News)

राजाराम लोंढेकोल्हापूर : ‘ गोकुळ’च्या अध्यक्ष निवडीत महायुतीच्या नेत्यांना यश आल्याने आगामी निवडणुकीसाठी एक भक्कम मोट बांधण्याचा प्रयत्न असला, तरी उमेदवारीचे वाटप नेत्यांची डोकेदुखी ठरणार, हे निश्चित आहे. महायुतीमध्ये ‘ गोकुळ’शी संलग्न नेते २३ आहेत आणि जागा २१ आहेत. कोणाकडे किती ठराव आहेत, यावरच उमेदवारी निश्चित होणार असली, तरी त्याला बहुमताचे पक्षीय राजकारण आडवे येऊ शकते.गेल्या चार वर्षांपासून माजी आमदार महादेवराव महाडिक हे ‘गोकुळ’च्या राजकारणापासून काहीसे अलिप्त झाले होते. त्यातच पी. एन. पाटील यांच्या निधनाने विरोधी पॅनेल कसे होईल? याबाबत चर्चा सुरू होती. पण, अध्यक्ष निवडीतून ‘गोकुळ’च्या राजकारणाला कलाटणी मिळाली. त्यात महादेवराव महाडीक यांनी समविचारी नेत्यांची मोट बांधण्यास सुरुवात केली आहे. महायुती म्हणून एकसंध राहून जिल्ह्याचे प्रमुख सत्ता केंद्र ताब्यात घेण्याची व्यूहरचना नेत्यांची आहे. पण, उमेदवारीसाठी नेत्यांसह त्यांचे राजकीय वारसदारच इच्छुक आहेत. त्यामुळे, नेत्यांच्या संख्येवरून जरी महायुती भक्कम वाटत असली, तरी उमेदवारीवरून होणारी नाराजी, त्यातून एकमेकाचे उट्टे काढण्याचे प्रकार होणार आहेत. महाविकास आघाडीनेही जोडण्या सुरू केल्या असून, त्यांची भिस्त करवीर, गगनबावडा, शाहूवाडी, चंदगड, आजरा, पन्हाळा तालुक्यांवर आहे.पारंपरिक विरोधकांचे काय?कागल, हातकणंगले, शिरोळ, करवीर वगळता एकमेकांचे पारंपरिक विरोधक महायुतीमध्ये एकत्र येणार आहेत. त्यांच्या ताकदीनुसार उमेदवारीही मिळेल, पण अंतर्गत कुरघोड्या घातक ठरू शकतात.दीडशे ठरावाला उमेदवारी‘गोकुळ’चे ५४७० संस्था मतदानास पात्र आहेत. विजयासाठी पॅनेलकडे किमान ३ हजार ठराव हवेत. त्यामुळे ज्याच्याकडे किमान दीडशे ठराव आहेत, त्यांनाच उमेदवारी असे गणित पुढे येऊ शकते.‘करवीर’मध्ये गणित कसे जुळणार?संघात सर्वाधिक ८६८ ठराव हे करवीर तालुक्यातील आहेत. येथे आमदार चंद्रदीप नरके व आमदार अमल महाडिक हे महायुतीचे नेते ताकदवान आहेत. पण, ठरावाची गोळाबेरीज पाहिली, तर येथे महाविकास आघाडी वरचढ ठरते. त्यामुळे येथे आघाडीतील एखाद्या नेत्याला सोबत घेऊन भरपाई करण्याची चाचपणी सुरू आहे.‘शाहू आघाडी’ एकसंध ठेवण्याचे प्रयत्नराजकीय हस्तक्षेपामुळे अध्यक्ष निवडीत उलथापालथ झाली असली, तरी आगामी निवडणूक राजर्षी शाहू आघाडी म्हणूनच लढू या, अशा अंतर्गत हालचाली सुरू आहेत. त्यासाठी ज्येष्ठ संचालकांचे प्रयत्न सुरू असल्याचे समजते.तालुकानिहाय ‘गोकुळ’चे सभासदकरवीर - ८६८राधानगरी - ७०३कागल - ६२२भुदरगड - ५९८पन्हाळा - ५१९शाहूवाडी - ४५१चंदगड - ४२६गडहिंग्लज - ४०२आजरा - ३०८शिरोळ - २७४हातकणंगले - १६७गगनबावडा - १३२

Kolhapur (Marathi News)

डॉक्टर, नातेवाइकांची धांदल उडाली ...

कोळी याला ३० हजार रूपयांची खंडणी रक्कम स्वीकारताना पकडले ...

परिसरात प्रथमच अजगर पकडण्यात आल्याने त्याला पाहण्यासाठी मोठी गर्दी झाली होती. ...

पर्यटनस्थळे गजबजली ...

इच्छुकांची घालमेल वाढली ...

मोबाइल रस्त्याकडील बाजूला टाकून जोरात आरोळी ठोकून पुराच्या पाण्यात उडी घेतली ...

पर्यटकांची तोबा गर्दी, धबधबा मार्गावर वाहनांच्या रांगा ...

वर्षा पर्यटन हंगाम लवकर सुरू झाला, वाहतूक पोलिस कार्यरत ...

काही दिवसांपूर्वी झाला होता विवाहाचा पहिला वाढदिवस ...

पॅनेल बांधणीची कसरत, नेत्यांची डोकेदुखी ठरणार ...