Kolhapur- अंबाबाई किरणोत्सव: पहिल्या दिवशी संगमरवरी पायरीपर्यंत किरणे
By ऑनलाइन लोकमत | Published: January 30, 2024 11:51 AM2024-01-30T11:51:58+5:302024-01-30T11:52:22+5:30
कोल्हापूर : सूर्याच्या उत्तरायण कालखंडातील करवीर निवासिनी अंबाबाईच्या किरणोत्सवाला सोमवारी प्रारंभ झाला. मात्र, धूलिकण, ढगाळ वातावरण व हवा प्रदूषणामुळे ...
छाया-आदित्य वेल्हाळ
कोल्हापूर : सूर्याच्या उत्तरायण कालखंडातील करवीर निवासिनी अंबाबाईच्या किरणोत्सवाला सोमवारी प्रारंभ झाला. मात्र, धूलिकण, ढगाळ वातावरण व हवा प्रदूषणामुळे आवरण तयार होत सूर्यकिरणे विखुरली गेली. परिणामी, किरणोत्सवाच्या पहिल्या दिवशी मंदिरातील गर्भकुटीच्या संगमरवरी पहिल्या पायरीपर्यंतच सूर्यकिरणे पोहचली.
दरवर्षी २९ जानेवारी ते २ फेब्रुवारी दरम्यान उत्तरायण कालखंडातील किरणोत्सवाला सुरुवात होते. गतवर्षीही पहिल्या दिवशी किरणोत्सव पूर्ण क्षमतेने झाला नव्हता. महाद्वार रोड कमानीपासून सायंकाळी ५:३० ला या किरणोत्सवाची सुरुवात झाली. ६.१५ ला ती मंदिरातील गर्भकुटीच्या संगमरवरी पहिल्या पायरीपर्यंत येऊन लुप्त झाली.
किरणोत्सवाचा प्रवास
- महाद्वार रोड कमान : सायंकाळी ५.३०
- गरुड मंडपच्या पाठीमागे : ५:३४
- गरुड मंडपच्या मध्यभागी : ५:४०
- गणपती मंदिराच्या पाठीमागे : ५:५४
- कासव चौक : ६:०१ वा.
- चांदीच्या उंबरठ्याच्या आत : ६.१४
- अंबाबाई मंदिरातील गर्भकुटीच्या
- संगमरवरी पहिल्या पायरीपर्यंत : ६.१५