Kolhapur ZP Election Results 2026: कोल्हापुरात महायुतीच्या वादळातही सतेज पाटील यांनी लावला दिवा 

१९ पैकी ६ ठिकाणी ‘हाता’चे उमेदवार विजयी

कोल्हापूर : जिल्हा परिषदेच्या ६८ जागांपैकी १९ जागांचे अधिकृत निकाल जाहीर झाले असून सर्वाधिक ६ जागा काँग्रेसने जिंकल्या आहेत. त्याखालोला राष्ट्रवादी काँग्रेस आणि भाजपने प्रत्येकी ४ ठिकाणी विजय मिळवला असून शिंदेसेना ३ जागांवर विजयी झाली आहे. जनसुराज्यनेही दोन जागांवर गुलाल उधळला आहे. 

सुरूवातीपासूनच काँग्रेसच्या उमेदवारांनी अनेक ठिकाणी आघाडी घेतली होती. विचारपूर्वक उमेदवार देत काँग्रेसचे जिल्हाध्यक्ष आमदार सतेज पाटील यांनी महायुतीच्या वादळात दिवा लावण्यासाठी नियोजन केले होते. त्याला यश मिळतानाही दिसत आहे. करवीर तालुक्यातील जाहीर चार जागांपैकी दोन ठिकाणी भाजप, एक ठिकाणी काँग्रेस तर एका ठिकाणी शिंदेसेनेचा उमेदवार विजयी झाला आहे. 

शाहूवाडी तालुक्यात राष्ट्रवादीने खाते उघडले आहे. राधानगरीमध्येही काँग्रेसने खाते उघडले असून कागल तालुक्यात भाजपचे दोन आणि राष्ट्रवादीच्या एक उमेदवार विजयी झाल्या आहेत. 
हातकणंगले तालुक्यात काँग्रेसने दोन ठिकाणी तर जनसुराज्यने एका जागेवर विजय मिळवला आहे.

गडहिंग्लज तालुक्यात जनसुराज्यने खाते उघडून इतर पक्षांना धक्का दिला आहे. तर आजरा तालुक्यातील उत्तूर जिल्हा परिषद मतदार संघातून राष्ट्रवादीचा उमेदवार विजयी झाला आहे.

भुदरगड तालुक्यात पालकमंत्री प्रकाश आबिटकर यांच्या तालुक्यातील जाहीर दोन्ही जागा शिंदेसेनेने पटकावल्या आहेत. तर गगनबावडा तालुक्यातील जिल्हा परिषदेच्या दोन्ही जागा कॉंग्रेसने पटकावल्या आहेत. 

आतापर्यंतचे विजयी उमेदवार

१ विश्वनाथ पाटील - काँग्रेस - शिये करवीर
२ इंद्रजित पाटील - शिंदेसेना - वडणगे
३ नामदेव वाईंगडे - भाजप - उचगाव
४ तानाजी पाटील - भाजप - मुडशिंगी
५ राजकुंवर गायकवाड - राष्ट्रवादी - बांबवडे
६ सागर धुंदरे - कॉंग्रेस - राशिवडे
७ सुयशा घाटगे - भाजप - सिध्दनेर्ली
८ शोभाताई फराकटे - राष्ट्रवादी - बोरवडे
९ शिवानी भोसले - भाजप - चिखली
१० डॉ. जयंत पाटील - राष्ट्रवादी - सातवे
११ शुभांगी कुंभार - कॉंग्रेस, - घुणकी
१२ सोनाली सावंत - कॉंग्रेस - भादोले
१३ शीतल प्रविण यादव - जनसुराज्य - कुंभोज
१४ अनिरूध्द रेडेकर - जनसुराज्य - नूल
१५ शिरीष देसाई, - राष्ट्रवादी - उत्तूर
१६ अर्चना कल्याण निकम - शिंदेसेना - आकुर्डे
१७ सारिका यशवंत नांदेकर - शिंदेसेना - कडगाव
१८ सोनाली विलास पाटील - कॉंग्रेस - तिसंगी
१९ संभाजी शांताराम पाटणकर - कॉंग्रेस - असळज