निगवेतील घंटागाडी खरेदीची चौकशी करा

१४ व्या वित्त आयोगामधून घंटागाडीकरिता ५ लाख ५० ची तरतूद केली गेली होती. त्या तरतुदीप्रमाणे मागील ग्रामपंचायत सदस्य यांनी १८ मार्च २०२० रोजी ई टेंडर प्रसिद्ध केले होते; पण २३ मार्च २०२० पासून कोरोनामुळे लॉकडाऊन झाल्याने टेंडर प्रकिया थांबली गेली. यानंतर ग्रामपंचायतीवर प्रशासक यांची नियुक्ती झाली. प्रशासक व ग्रामसेवक यांना मागील ग्रामपंचायत सदस्यांनी नवीन ग्रामपंचायत सदस्य हजर होत नाहीत तोपर्यंत कोणतीही खरेदी करू नये असे वारंवार सांगूनदेखील प्रशासक व ग्रामसेवक यांनी मनमानी करून ही घंटागाडी खरेदी केली. मात्र, या खरेदी किमतीत तफावत असल्याने याची चौकशी व्हावी अशी मागणी करण्यात आली. निवेदनावर ग्रामपंचायत सदस्य महादेव पाटील-खाटांगळे, आकाराम चौगले, पवन तोरसकर, रमेश पाटील, सुहास जासूद, रोहित जासूद यांच्या सह्या आहेत.