इचलकरंजी : येथे राष्ट्रीय हापकिडो बॉक्सिंग पंच परीक्षा व टेक्निकल सेमिनार झाला. यावेळी मीनानाथ भोकरे यांची प्रमुख उपस्थिती होती. सेमिनारमध्ये गुजरात, मध्य प्रदेश, उत्तर प्रदेश या राज्यातील प्रतिनिधींनी सहभाग घेतला होता. कोल्हापूर जिल्ह्यातील वैष्णवी भूपाल बेक्किरे, गायत्री अण्णासाहेब सुतार, वैष्णवी रणधीर रजपूत, मानसी लक्ष्मण खोत, तुषार तानाजी अस्वले, विशाल तानाजी मेटकरी, सुरज विजय माने यांनी हापकिडो बॉक्सिंग पंच परीक्षेत यश संपादन केले. त्यांना विश्वनाथ शिसोदे यांचे मार्गदर्शन लाभले.
काशीद यांना अपंग मित्र पुरस्कार
इचलकरंजी : तिळवणी (ता. हातकणंगले) येथील डेफ स्कूलचे कलाशिक्षक संजय काशीद यांना दिव्यांगांविषयी केलेल्या उत्तुंग कामगिरीबद्दल अपंग सेवा केंद्र सांगलीच्यावतीने अपंग मित्र पुरस्काराने सन्मानित करण्यात आले. यावेळी रेखराज मेहता, निर्मला कुलकर्णी, पुष्पाताई काशीकर, एम. एम. जोशी, रमेश राठोड, आनंदा रणदिवे, स्मिता रणदिवे, आदी उपस्थित होते.
आत्मदर्शन शिबिरास सुरुवात
इचलकरंजी : येथे बारा दिवस चालणाऱ्या आत्मदर्शन शिबिराचे उद्घाटन योगगुरू संजीव कुलकर्णी यांनी दीपप्रज्ज्वलनाने केले. कुलकर्णी यांनी, आत्मा, परमात्मा पंचकोषशुद्धी प्रार्थना व आदर्श दिनचर्या याबाबत माहिती सांगितली. अभय यळरुटे यांनी स्वागत केले. कार्यक्रमास डॉ. लक्ष्मीकांत तोष्णीवाल, जे. आर. काबरा, कौशिक मराठे, सुरेश पाडळे, अण्णासाहेब शहापुरे आदी उपस्थित होते. सूत्रसंचालन प्रशांत गलगले यांनी केले.