कोल्हापूरचा सुवर्ण ‘पंच’कार

राज्यस्तरीय महिला कुस्ती : स्वाती, नंदिनी, प्रियंका, माधुरीसह रेश्माचे सोनेरी यश

अहमदनगर : राज्यस्तरीय महिला अजिंक्यपद कुस्ती स्पर्धेत कोल्हापूरच्या खेळाडूंनी मैदान गाजवित पाच सुवर्ण, एक रौप्य व दोन कांस्य पदके मिळवून कुस्तीतील दबदबा कायम ठेवला़ पुणेकरांनी दोन सुवर्ण, दोन रौप्य व तीन कांस्यपदके मिळवून स्पर्धेत दुसरे स्थान मिळविले़ सोलापूरला एक सुवर्ण व तीन रौप्य पदकावर समाधान मानावे लागले़ यजमान नगरला या स्पर्धेत एकही पदक मिळविता आले नाही़ या स्पर्धेत पश्चिम महाराष्ट्रातील महिला कुस्तीगीरांनी चमकदार कामगिरी करत मैदानातील आपली हुकूमत सिद्ध केली जिल्हा क्रीडा संकुलात गुरुवारी (दि़ १९) आठ वजन गटातील अंतिम लढती रंगल्या़ प्रत्येक वजन गटातील अंतिम लढती लक्षवेधी ठरल्या़ मैदानात रणरागिनींचे रंगलेले हे मल्लयुद्ध पाहण्यासाठी क्रीडा रसिकांनी मोठी गर्दी केली होती़ आमदार शिवाजी कर्डिले व स्वागताध्यक्षा सुवर्णा कोतकर, आयोजक अंजली देवकर-वल्लाकट्टी यांच्या हस्ते विजेत्या स्पर्धकांना पारितोषिके देण्यात आली़ स्पर्धेचा सविस्तर निकाल असा : ४८ किलो - स्वाती शिंदे (कोल्हापूर जिल्हा) सुवर्ण, पूजा दमाहे (गोंदिया), रौप्य, तर प्राजक्ता पाटील (सांगली) कांस्यपदक़ ५३ किलो - नंदिनी साळोखे (कोल्हापूर जिल्हा) सुवर्ण, कोमल जाधव (पुणे जिल्हा) रौप्य, पूजा आंग्रे (भंडारा) कांस्यपदक.५५ किलो - प्रियंका येरुडकर (कोल्हापूर जिल्हा) सुवर्ण , तेजस्विनी मेंडके (कोल्हापूर शहर) रौप्य, सोनाली तोडकर (बीड) कांस्य.५८ किलो - माधुरी घराळ (कोल्हापूर जिल्हा) सुवर्ण, कोमल गोळे (पुणे शहर) रौप्य, हेमलता घोडके (पुणे जिल्हा) कांस्यपदक६० किलो - अंकिता गुंड (पुणे जिल्हा) सुवर्ण, शोभा भोसले (सोलापूर) रौप्य, आश्विनी मढवी (ठोण जिल्हा) कांस्य पदक ६३ किलो - उषा माने (सोलापूर) सुवर्ण, राधा कुटे (नाशिक) रौप्य, अस्मिता गवस (रायगड) कांस्यपदक ६९ किलो - मनीषा दिवेकर (पुणे जिल्हा) सुवर्ण, गीता चौधरी (भंडारा) रौप्य, समृध्दी पवार (रायगड) कांस्य ७५ किलो - रेश्मा माने (कोल्हापूर जिल्हा) सुवर्ण, तेजश्री दहिळकर (अमरावती) रौप्य, राजश्री कांबळे (सोलापूर) कांस्यपदक. (प्रतिनिधी)पदक तालिकाप्रथम क्रमांक कोल्हापूर :पाच सुवर्ण, एक रौप्य, दोन कांस्यद्वितीय क्रमांक पुणे -दोन सुवर्ण, दोन रौप्य, तीन कांस्य तृतीय क्रमांक सोलापूर- एक सुवर्ण, तीन रौप्यरेश्माची तेजस्विनीला ढाक ६०, ६३, ६९ व ७५ किलो वजनगटातील अंतिम लढती लक्षवेधी ठरल्या़ ७५ किलो वजन गटातील रेश्मा माने (कोल्हापूर) व तेजस्विनी दहिळकर यांच्यातील लढतीत रेश्मा हिने ढाक मारून तेजस्विनीला चितपट करीत सुवर्ण पदकावर मोहोर उमटविली़ विजेत्या स्पर्धकांना आ़ शिवाजी कर्डिले, स्वागताध्यक्षा, उपमहापौर सुवर्णा कोतकर, संगमनेरच्या नगराध्यक्षा दुर्गाताई तांबे यांच्याहस्ते पारितोषिके देण्यात आली़