वारणानगर, बहिरेवाडी (ता.पन्हाळा ) येथील श्री महात्मा वाचनालय, शिवाजी तरुण मंडळ व गणपतराव जाधव वस्ताद क्रीडा मंडळ यांच्या वतीने स्वर्गीय गणपतराव जाधव (वस्ताद ) यांच्या पुण्यतिथीनिमित्त सामाजिक व वैद्यकीय क्षेत्रामध्ये उल्लेखनीय कामगिरी करणारे डी. आर. कुलकर्णी (तांदुळवाडी, ता. वाळवा, जि.सांगली) यांना १२ वा कृतज्ञता पुरस्कार देऊन गौरविण्यात आले.
डॉ. कुलकर्णी हे वैद्यकीय क्षेत्रामध्ये गेली २८ वर्षे अविरतपणे सेवाभावी वृत्तीने कार्य करत आहेत. कामेरीचे ज्येष्ठ नेते ज्ञानू दादू पाटील यांच्या हस्ते कुलकर्णी यांना पुरस्कार प्रदान करण्यात आला.
यावेळी वारणा परिसरातील ३५ डॉक्टरांचा कोरोना योद्धा सन्मानपत्र देऊन गौरव करण्यात आला. जनसुराज्य शक्ती पक्षाचे पन्हाळा तालुका संपर्कप्रमुख रवींद्र जाधव, ग्रामपंचायत सदस्य युवराज भोसले, महात्मा वाचनालयाचे अध्यक्ष ग्रंथमित्र प्रा. के. जी जाधव आदी उपस्थित होते. प्रा. के. जी. जाधव यांनी प्रास्ताविक तर शिवराज जाधव यांनी आभार मानले.
...............
फोटो ओळ -बहिरेवाडी (ता.पन्हाळा ) येथील श्री महात्मा वाचनालय, शिवाजी तरुण मंडळ व गणपतराव जाधव वस्ताद क्रीडा मंडळ यांच्या वतीने स्वर्गीय गणपतराव जाधव (वस्ताद ) कृतज्ञता पुरस्कार डी. आर कुलकर्णी यांना देवून गौरविण्यात आले. यावेळी अध्यक्ष प्रा. के. जी. जाधव, रवींद्र जाधव आदी.