या प्रकरणी लाॅजचा मॅनेजर नेताजी पांडुरंग घाडगे यांस अटक केली, तर लाॅज मालक दीपक कुन्नुरे, दलाल (एजंट) विजयकुमार हुपरे असे दोघे फरारी आहेत. याबाबत पोलिसांच्या वतीने फिर्याद देण्यात आली.
पोलीस व घटनास्थळावरून मिळालेली माहिती अशी : मिणचे-लाटवडे रस्त्यावरील हॉटेल शिवतेज लाॅजिंगवर संशयित लाॅज मालक, मॅनेजर, एजंट हे संगनमताने दोन महिलांना वेश्याव्यवसाय करण्यास आणले होते. याबाबत पोलिसांना माहिती मिळताच बनावट ग्राहक पाठवून कारवाई करण्यात आली. ही कारवाई पोलीस निरीक्षक संतोष घोळवे, पोलीस उपनिरीक्षक अर्चना पाटील, पोलीस अंमलदार रणवीर जाधव, संदीप गायकवाड यांच्या पथकाने केली. दरम्यान, संशयिताकडून मोबाईल, रोख नऊ हजार तसेच मोटारसायकल असा ३६ हजार ९६० रुपयांचा मुद्देमाल जप्त करण्यात आला आहे. तर, महिलांची रवानगी सुधारगृहात करण्यात आली आहे. तपास पोलीस निरीक्षक संतोष घोळवे करीत आहेत.