कोल्हापूर : जिल्ह्यासाठी गुरुवारी कोविशिल्डचे एकच दिवस पुरतील एवढे ३५ हजार डोस येणार आहेत. त्यामुळे शहर भागातील नागरिकांना सकाळी ११ नंतर तर ग्रामीण भागातील नागरिकांना दुपारी १२ नंतर लसीकरण करून घेता येणार आहे. सकाळी पुण्याहून लस आल्यानंतर वितरण करण्यात येणार आहे. दरम्यान, बुधवारी लस शिल्लकच नसल्याने पहिला आणि दुसरा डोस मिळून केवळ ३ हजार ४५१ इतकेच लसीकरण झाले.
{{#config.logo.enabled}}
{{/allowed}}बुधवारी दिवसभरात ३ हजार ४५१ नागरिकांनी लस देण्यात आली आहे. बुधवारी १ हजार ४०७ नागरिकांनी पहिला तर २ हजार ००४ नागरिकांनी दुसरा डोस घेतला आहे. राज्यात लसीकरण मोहिमेमध्ये कोल्हापूर जिल्हा २४ टक्के लसीकरण करून पहिल्या क्रमांकावर आहे. लसच वेळेत उपलब्ध होत नसल्याने जिल्ह्यात नागरिकांना मनस्ताप सहन करावा लागत आहे. त्यामुळे शासनाने वेळेत आवश्यक तेवढी लस उपलब्ध करून द्यावी, अशी मागणी होत आहे.