कोल्हापूर : राष्ट्रीय पशुधन अभियान योजनेसाठी लाभार्थी संस्था, वैयक्तिक लाभार्थी यांनी आपले प्रस्ताव संबंधित तालुक्याच्या पशुधन अधिकारी (विस्तार) पंचायत समिती यांच्यामार्फत १५ फेब्रुवारीपर्यंत सादर करावेत, असे आवाहन जिल्हा पशुसंवर्धन उपायुक्त डॉ. वाय. ए. पठाण यांनी केले आहे. या योजनेसाठी केंद्राचा ६० व राज्याचा ४० टक्के हिस्सा जमिनीच्या प्रकारानुसार प्रतिहेक्टरसाठी दिला जातो. तरी संस्थांनी विहीत नमुन्यामधील प्रस्ताव इंग्रजीत सादर करावेत. लाभार्थ्यांनी विहीत नमुन्यातील अर्ज, जमिनीचा सातबारा उतारा व ८-अ चा दाखला व लाभार्थींकडे पशुधन असल्याबाबतचे नजीकच्या पशुवैद्यकीय दवाखान्यातील प.वि.अ. यांचे प्रमाणपत्र सादर करावे.
अधिक माहितीसाठी अर्जाचा नमुना kolhapur.nic.in या संकेतस्थळावर उपलब्ध आहे.
---
गॅस वितरण वाहनावर दैनंदिन दरफलक लावावेत
कोल्हापूर : गॅस कंपन्यांनी सर्व गॅस सिलिंडर वितरण वाहनांवर दैनंदिन दर फलक लावावेत, अशा सूचना जिल्हाधिकारी दौलत देसाई यांनी गुरुवारी दिल्या.
ग्राहक संरक्षण परिषदेच्या बैठकीत ते बोलत होते. यावेळी परिषदेचे अशासकीय सदस्य व शासकीय अधिकारी उपस्थित होते. यावेळी मागील ग्राहक संरक्षण बैठकीमध्ये प्राप्त झालेल्या १७ तक्रार अर्जांबाबत चर्चा करून निपटारा करण्यात आला. पोलीस विभाग, जिल्हा आरोग्य विभाग, सहाय नियंत्रण वैधमापन शास्त्र, कार्यकारी अभियंता महाराष्ट्र राज्य वीज वितरण कंपनी, विभाग नियंत्रक राज्य परिवहन महामंडळ या विभागांबाबतच्या अर्जाबाबत चर्चा करून निराकरण करण्यात आले.
--