कोल्हापूर : कोरोनाच्या वाढत्या प्रादुर्भावाच्या पार्श्वभूमीवर प्रशासनाने घातलेल्या निर्बंधांचे उल्लंघन करणा-या सुमारे २०२६ वाहनांवर कारवाई करून त्यांच्याकडून सुमारे साडेतीन लाख रुपये दंड वसूल केला. ही कारवाई मंगळवारी कोल्हापूर पोलीस दलाच्यावतीने करण्यात आली.
कोरोनाची साखळी तोडण्यासाठी प्रशासनाने घातलेल्या निर्बंधांचे उल्लंघन करणा-यांवर कोल्हापूर पोलीस दलाच्यावतीने कारवाई करण्यात येत आहे. मंगळवारी विनामास्क फिरणा-या २१८६ जणांवर कारवाई करत त्यांच्याकडून ३ लाख ४३ हजार ४०० रुपये दंड वसूल करण्यात आला. त्याशिवाय मोटर वाहन कायद्यान्वये उल्लंघन करणा-या १६६६ वाहनांवर गुन्हे नोंदवण्यात आले, त्यांच्याकडून ३ लाख ५० हजार ८०० रुपये दंड वसूल केला. तसेच विनाकारण फिरणारी ३६० दुचाकी वाहने जप्त करण्यात आली. १२७ आस्थापनांवर कारवाई करत त्यांच्याकडून ९० हजार ८०० रुपये दंड वसूल केला.