हंबीराव मेडसिंगे पतसंस्थेकडून १५ टक्के लाभांश

सडोली (खालसा) : कांडगाव (ता. करवीर) येथील हंबीराव मेडसिंगे पतसंस्थेकडून सभासदांना उच्चांकी १५ टक्के लाभांश देण्यात येणार असल्याची माहिती संस्थेचे अध्यक्ष दिगंबर मेडसिंगे यांनी दिली. पतसंस्थेची २६ वी वार्षिक सर्वसाधारण सभा ऑनलाईन झाली. अहवाल सालात संस्थेस १२ लाख ७९ हजार इतका नफा झाल्याचे मेडसिंगे यांनी सांगितले. यावेळी स्थावर मालमत्ता तारण कर्ज २ टक्के, नवीन वाहन तारण कर्ज ५ टक्के, सोने तारण कर्ज ३ टक्के, व्याज दरात कपात करण्याचा तसेच वेळेवर स्थावर कर्ज परतफेड करणाऱ्या सभासदांना २ टक्के व्याज सवलत देण्याचा महत्त्वपूर्ण निर्णय घेण्यात आला. या वार्षिक सभेत आनंदराव मगदूम, अनिल भंडारे, महादेव मेडसिंगे, प्रकाश शेळके, बाबासाहेब मेडसिंगे यांनी सहभाग घेतला. या सभेला भोगावती साखर कारखान्याचे माजी संचालक मारुतराव मेडसिंगे, उपाध्यक्ष महादेव चव्हाण, प्रताप पाटील, शंकरराव जाधव, बाबासोा वडगावकर, मारुती नाईक, यशवंत मेडसिंगे, बाजीराव आणकर, संभाजी चव्हाण, सागर मगदूम, रंगराव गायकवाड, सदाशिव शेट्टे उपस्थित होते. अहवाल वाचन सचिव कृष्णात कुरूकले यांनी केले.