घराच्या कंपाउंडमधून दुचाकी लांबविली

जळगाव : जळगाव-धुळे रस्त्यावरील वैष्णवी पार्क येथील रहिवासी मनोज राजेंद्र पाटील यांच्या मालकीची दुचाकी घराच्या कंपाउंडमधून अज्ञात चोरट्याने चोरून नेल्याची घटना शुक्रवारी सकाळी उघडकीस आली आहे़ याप्रकरणी तालुका पोलीस ठाण्यात अज्ञात चोरट्याविरूध्द गुन्हा दाखल करण्यात आला आहे़वैष्णवी पार्क येथे मनोज पाटील हे पत्नी कविता व दोन मुलांसह वास्तव्यास आहेत.धुळ्याला खाजगी कंपनीत कामाला असल्यामुळे ते अप-डाऊन करतात़ दरम्यान, गुरूवारी मनोज हे धुळ्याला गेले असल्यामुळे त्यांनी त्यांची दुचाकी ( एम़एच़१९़ बीएस़ ८१०४) घराच्या कंपाउंडमध्ये उभी केली होती़ मात्र, गुरूवारी मध्यरात्री अज्ञात चोरट्यांनी कंपाउंडचे कुलूप तोडून दुचाकी चोरून नेली़ याबाबत त्वरित पोलिसात तक्रार दाखल केली़