मानवसेवा विद्यालयात हिंदी सप्ताह राबविण्यात आला. या कार्यक्रमात मुख्याध्यापिका प्रतिभा सूर्यवंशी, मुक्ता पाटील आदींची प्रमुख उपस्थिती होती. पाचवीसाठी शुद्धलेखन, सहावीसाठी कविता गायन तर इयत्ता सातवीसाठी कथाकथन स्पर्धा घेण्यात आली. ‘हिंदी हमारी राष्ट्रभाषा’ या विषयावर इयत्ता आठवी ते दहावीच्या विद्यार्थ्यांसाठी निबंध स्पर्धा घेण्यात आली. निबंध स्पर्धेत नंदन मोरे यांने प्रथम तर चंचल पाटीलने द्वितीय क्रमांक पटकाविला. याप्रसंगी अलका महाजन यांची उपस्थिती होती.
००००००००
प्रगती विद्यामंदिर शाळेत 'बहुरंगी कौशल्य' उपक्रम (१५ सीटीआर ४२)
प्रगती विद्यामंदिरात 'बहुरंगी कौशल्य' उपक्रम घेण्यात आला़ या उपक्रमातंर्गत ऑनलाईन पद्धतीने चित्रकला, घोषवाक्य फलक, वक्तृत्व, भाषण, कविता लेखन, निबंध लेखन अशा बहुरंगी स्पर्धा पार पडल्या. याप्रसंगी संस्थेचे चेअरमन प्रेमचंद ओसवाल व शिक्षक मनोज भालेराव यांनी विद्यार्थ्यांना मार्गदर्शन केले. याप्रसंगी मुख्याध्यापक शोभा फेगडे, शिक्षक संध्या अट्रावलकर, संगीता गोहिल, नम्रता पवार, अविदीप पवार, सारिका तडवी, रमेश ससाणे आदी उपस्थित होते.
००००००००
विवेकानंद प्रतिष्ठान इंग्लिश मीडियम स्कूल
विवेकानंद प्रतिष्ठान इंग्लिश मीडियम स्कूलमध्ये प्राचार्य ज्ञानेश्वर पाटील व माध्यमिक विभागाचे समन्वयक गणेश लोखंडे यांच्या प्रमुख उपस्थितीत कार्यक्रम पार पडला. कार्यक्रमात सुरुवातीला किर्ती नाईक यांनी हिंदी दिनाचे महत्त्व सांगितले. सूत्रसंचालन शुभदा नेवे यांनी केले. हिंदी राष्ट्रभाषा निबंध स्पर्धेत पाचवी ते सातवीच्या गटात प्रथम सोहम बिऱ्हाडे, द्वितीय दिव्या काटोले, तृतीय जिज्ञासा पाटील, उत्तेजनार्थ ओमकार राख ठरला तसेच आठवी ते दहावीच्या गटात प्रथम हर्षल सपकाळे, द्वितीय आयूष पाटील, तृतीय वेदांत हिवराळे तर उत्तेजनार्थ अनुष्का महाजन ही ठरली.
००००००००
पोदार इंटरनॅशनल स्कूल
पोदार इंटरनॅशनल स्कूल येथे प्राचार्य गोकुळ महाजन यांच्याहस्ते सरस्वती मातेच्या प्रतिमेचे पूजन करण्यात आले. यावेळी मनस्वी बडगुजर, लोकेश ठाकरे, संतोषी मंडोरे यांनी मनोगत व्यक्त केले. सेवानिवृत्त प्राचार्य रमेश लोखंडे यांनी मार्गदर्शन केले. उपप्राचार्य दीपक भावसार,पोदार जम्बो किड्सच्या मुख्याध्यापिका उमा वाघ, प्रशासकीय अधिकारी जितेंद्र कापडे, हिरालाल गोराणे आदी उपस्थित होते. सूत्रसंचालन विनायक बेडसे यांनी केले. आभार प्रदर्शन रंजना गवळी यांनी केले.