जळगाव : शाकाहाराचे प्रणेते व प्रसिद्ध सराफ व्यावसायिक रतनलाल चुनीलाल बाफना यांचे सोमवारी दुपारी ३ वाजेच्या सुमारास वृद्धापकाळाने निधन झाले. शहरातील राहत्या घरीच त्यांनी अखेरचा श्वास घेतला. मृत्यूसमयी ते ८७ वर्षांचे होते. त्यांच्यावर सोमवारी सायंकाळी ५ वाजता कुसुंबा येथील गोशाळेच्या आवारात अंत्यसंस्कार करण्यात आले. नातू जैविक यांच्यासह पुत्र सुशील, सिद्धार्थ यांनी अग्नी डाग दिला.