अमळनेरात तरुणाचा गळा चिरून खून

अमळनेर जि. जळगाव : पैशाच्या वादातून एका ३५ वर्षीय तरुणाचा गळा चिरून खून करण्यात आल्याची घटना अमळनेरातील नपाच्या हश्मजी प्रेमजी व्यापारी संकुलात शुक्रवारी पहाटे उघडकीस आली. अवघ्या तीन तासात पोलिसांनी आरोपीला चोपडा येथून

अटक केली. प्रकाश दत्तू पाटील (वय ३५, रा. गांधलीपुरा, अमळनेर) असे मयताचे नाव आहे. घटनेचे वृत्त कळताच पोलीस निरीक्षक जयपाल हिरे यांच्या मार्गदर्शनाखाली एपीआय राकेशसिंग परदेशी, हेकॉं. सुनील हटकर, नगरसेवक नरेंद्र सदानशिव यांनी घटनास्थळी भेट तसेच पंचनामा केला.

खुनाची घटना उघडकीस आल्यानंतर अवघ्या तीन तासात पोलिसांनी हा खून कैलास पांडुरंग शिंगाणे याने केल्याचे निष्पन्न झाले. आरोपी कैलास फरार झाला होता. त्याच्या कुटुंबीयांना चौकशीसाठी पोलिसांनी ताब्यात घेतले होते. यानंतर काही तासातच कैलास यास चोपडा येथे अटक करण्यात आली.