जळगाव : शिरसोली रस्त्यावर रुस्तमजी इंटरनॅशनल स्कूलच्या परिसरात जंगलात बुधवारी रात्री पावणे दहा वाजता अचानक आग लागली. अग्निशमन बंबांसह मोहाडी येथील ग्रामस्थांनीही आग विझवण्यासाठी रात्री 11.30 पर्यंत शर्थीचे प्रयत्न सुरू होते.
जळगाव शिरसोली रोडवर रुस्तमजी शाळेलगत जंगलाला अचानकपणे आग लागली. बघता बघता दोन ते तीन किलो मीटरपर्यंतच्या जंगलात ही आग वेगाने पसरली. आगीचा प्रकार लक्षात येताच चौधरी नामक व्यक्तीने अग्निशमन दलाला घटनेची माहिती दिली. या दरम्यान मोहाडी गावातील ग्रामस्थ मोठ्या संख्येने ही आग विझविण्यासाठी घटनास्थळी पोहोचले. आलेल्या ग्रामस्थांसह तरूणांकडुन झाडाच्या फांद्या तोडून ग्रामस्थांकडून आग विझवण्यासाठी शर्थीचे प्रयत्न करण्यात आले यानंतर घटनास्थळी पोहचलेल्या चार अग्निशमन बंबाच्या सहायाने आग विझविण्यात आल्याचे समजते. आगीचे नेमके कारण व नुकसानीचा अंदाज समजू शकले नाही. जंगलात वणवा पेटल्याची माहिती अग्निशमन दलाच्या सूत्रांकडून सांगण्यात आले.