जळगाव : कवयित्री बहिणाबाई चौधरी उत्तर महाराष्ट्र विद्यापीठाच्या व्यवस्थापन परिषदेवर अधिष्ठातांमधून प्राचार्य आर.एस.पाटील (शहादा), प्राचार्य पी.पी.छाजेड (धुळे) यांची तर विद्यापीठ प्रशाळेच्या संचालकांमधून प्रा.एस.आर. चौधरी यांची नियुक्ती करण्यात आली आहे.
प्रभारी कुलगुरू प्रा. ई. वायुनंदन यांनी हे नामनिर्देशन केले आहे. विद्यापीठाच्या व्यवस्थापन परिषदेवर अधिष्ठांतामधून विज्ञान व तंत्रज्ञान विद्याशाखेचे प्रभारी अधिष्ठाता प्राचार्य आर.एस. पाटील (पूज्य सानेगुरूजी विद्या प्रसारक मंडळाचे कला, विज्ञान व वाणिज्य महाविद्यालय, शहादा) तसेच वाणिज्य व व्यवस्थापन विद्याशाखेचे प्रभारी अधिष्ठाता प्राचार्य पी.पी.छाजेड, (मा.ध.पालेशा महाविद्यालय, धुळे) यांचे नामनिर्देशन करण्यात आले आहे. त्यांच्या नियुक्तीचा कार्यकाळ हा ३१ ऑगस्ट २०२२ पर्यंत राहील. विद्यापीठ विभाग किंवा विद्यापीठ परिसंस्था यांचे प्रमुख किंवा संचालक यामधून एक वर्षासाठी व्यवस्थापन परिषदेवर विद्यापीठाच्या गणितशास्त्र प्रशाळेचे संचालक प्रा. एस.आर. चौधरी यांचे नामनिर्देशन कुलगुरूंनी केले असल्याची अधिसूचना प्रभारी कुलसचिव डॉ. एस.आर. भादलीकर यांनी काढली आहे.