उमवित विद्यार्थिनीवर अत्याचार!

उत्तर महाराष्ट्र विद्यापीठात शिकत असलेल्या मैत्रिणीच्या मदतीने औरंगाबादच्या युवकाने एका विद्याथिर्नीवर विद्यापीठातच अत्याचार केल्याची संतापजनक घटना उघड झाली.

जळगाव : उत्तर महाराष्ट्र विद्यापीठात शिकत असलेल्या मैत्रिणीच्या मदतीने औरंगाबादच्या युवकाने एका विद्याथिर्नीवर विद्यापीठातच अत्याचार केल्याची संतापजनक घटना उघड झाली असून पाळधी पोलिसांनी संबंधित युवकाविरुद्ध 'अदखल'पात्र गुन्हा नोंदविला आहे. या कटातील आरोपीच्या मैत्रिणीला पोलिसांनी समज दिली असून विद्यापीठाने तिच्यावर निलंबनाचे अस्त्र उगारले आहे. आरोपी युवक औरंगाबाद विद्यापीठात संशोधन करीत असून तो मूळचा दुबईचा आहे. त्याची एक मैत्रीण उत्तर महाराष्ट्र विद्यापीठात क्लिनिकल सायकॉलॉजी या विषयाच्या शाखेत उच्च शिक्षण घेत आहे. या मैत्रिणीने तिच्या मित्राची वसतिगृहातील काही विद्यार्थिनींशी ओळख करून दिली आणि जवळीक साधण्यासाठी ती महत्त्वाची दुवा ठरत गेली. या युवकाने विद्यार्थिनींशी जवळीक साधत सोशल मीडियाच्या माध्यमातून युवतींचा विश्‍वास जिंकला. मोबाइलवरून फोटोसेशनसह वाढदिवसाच्याही पाटर्य़ा देत त्याने युवतींच्या वतरुळात जागा मिळविली. त्यातून हेरलेल्या एका युवतीला विद्यापीठातील एका खोलीत नेत त्याने रात्रभर अत्याचार केला आणि वाच्यता केल्यास बदनामीची धमकीही भरली. सोबत पीडित युवतीच्या अन्य मैत्रिणींनाही त्याने धमक्या द्यायला सुरुवात केली. मैत्रिणींना अत्याचाराची घटना कळताच त्या सामूहिकपणे कुलगुरूंना भेटल्या आणि विद्यापीठ प्रशासनाकडे लेखी तक्रार केली. कुलगुरू सुधीर मेश्राम यांनी गांभीर्य लक्षात घेऊन कारवाईची सूत्रे हलविली. पीडित युवतीसह आरोपी युवक, त्याच्या मैत्रिणीला पाळधी पोलिसांनी चौकशीसाठी ताब्यात घेतले. आरोपीवर कारवाई करून त्याच्या मैत्रिणीला समज देण्यात आली आहे.

---------------

प्रकार धक्कादायक आहे. मी त्याबाबतीत गंभीर आहे. संबंधित विद्यार्थिनीवर निलंबनाची कारवाई करण्याची प्रक्रिया सुरू आहे. मी वैयक्तिक लक्ष ठेवून आहे. -डॉ.सुधीर मेश्राम, कुलगुरू 

---------------

उमवि मिळालेली माहिती गंभीर असून या प्रकरणाची तत्काळ चौकशी करून कठोर कारवाई केली जाईल. -डॉ.जालिंदर सुपेकर, पोलीस अधीक्षक