पाकिस्तान पुन्हा तोंडघशी; आधी 'ऑपरेशन सिंदूर'मुळे रडले आता लष्कराची रॅकिंगही ढासळली, भारत कोणत्या स्थानी?

'ऑपरेशन सिंदूर'मध्ये पाकिस्तानची लष्कर तोंडघशी पडले. भारतील लष्कराने दिलेल्या प्रत्युत्तरात पाकिस्तानचे मोठे नुकसान झाले होते. दरम्यान, आता पाकिस्तानच्या लष्कराचे मिलिस्ट्री रँकिंगही ढासळले आहे.

पहलगाम हल्ल्यानंतर भारतीय लष्कराने 'ऑपरेशन सिंदूर' राबवून पाकिस्तानमधील दहशतवादी तळांवर हल्ले केले. या हल्ल्यानंतर दोन्ही देशात मोठा तणाव निर्माण झाला होता. दोन्ही देशांतून हल्ले प्रतिहल्ले झाले होते. भारतीय लष्कराने केलेल्या प्रतिहल्ल्यात पाकिस्तानचे मोठे नुकसान झाले होते. या काळात पाकिस्तान तोंडघशी पडला होता. दरम्यान, आता पुन्हा एकदा पाकिस्तान तोंडघशी पडला आहे. ग्लोबल फायरपावरने २०२६ चे मिलिस्ट्री स्ट्रेंथ रॅकिंग जाहीर केले आहे. 

EU सोबत करारानंतर आणखी एका देशाने भारतासमोर मैत्रीचा हात पुढे केला; अमेरिकेचा जळफळाट होणार

हे जगभरातील १४५ देशांच्या लष्करी ताकदीचे वार्षिक रँकिंग आहे, हे ६० हून अधिक घटकांवर आधारित आहे, यामध्ये सैन्य संख्या, शस्त्रे, टँक, विमान, नौदल, बजेट, भूगोल आणि रसद यांचा समावेश आहे. पॉवर इंडेक्स स्कोअर जितका कमी असेल तितकी ताकद जास्त असते.

टॉप १० देशांचे रॅकिंग

अमेरिका 

जगातील सर्वात शक्तिशाली सैन्य, हवाई शक्ती आणि नौदल शक्तीमध्ये आघाडीवर आहे.

रशिया

 युक्रेन युद्ध असूनही दुसऱ्या क्रमांकावर आहे, मोठ्या भूदल आणि अण्वस्त्र क्षमतांचा अभिमान बाळगतो.

चीन 

वेगाने वाढणारे नौदल आणि आधुनिक शस्त्रास्त्रांसह तिसऱ्या क्रमांकावर आहे.

भारत

 चौथ्या क्रमांकावर आहे. मोठ्या सैन्यामुळे, क्षेपणास्त्र प्रणाली, राफेल सारखी लढाऊ विमाने आणि एस-४०० संरक्षणामुळे भारत मजबूत स्थानावर आहे.

यानंतर दक्षिण कोरिया, फ्रान्स, जपान, युनायटेड किंग्डम, तुर्की आणि इटली हे देश आहेत.

'ऑपरेशन सिंदूर'चा परिणाम

या वर्षी पाकिस्तान १४ व्या स्थानावर घसरला आहे. गेल्या वर्षी तो १२ व्या स्थानावर होता. मे २०२५ मध्ये झालेल्या भारत-पाकिस्तान संघर्षाचा लक्षणीय परिणाम झाला. काश्मीरमध्ये झालेल्या दहशतवादी हल्ल्यानंतर भारताने ऑपरेशन सिंदूर सुरू केले.

भारताने पाकिस्तानमध्ये क्षेपणास्त्र आणि हवाई हल्ले केले, यामुळे पाकिस्तानी हवाई संरक्षण आणि तळांचे नुकसान झाले. चार दिवसांच्या या संघर्षात भारताने हवाई श्रेष्ठता मिळवली, यामुळे पाकिस्तानला युद्धबंदीची मागणी करावी लागली. 

युरोपियन आणि इतर विश्लेषणांनी हा भारताचा विजय मानला, कारण त्याने पाकिस्तानच्या लष्करातील कमकुवतपणा उघड केला. या पराभवानंतर, पाकिस्तानचे रँकिंग घसरले आणि जर्मनीने त्याची जागा घेतली. जर्मनी आता टॉप १०-१५ मध्ये मजबूत होत आहे.

अहवालात काय सांगितले?

भारताची ताकद: सतत वाढणारे संरक्षण बजेट, आधुनिकीकरण आणि मोठ्या मनुष्यबळामुळे भारताला पहिल्या ४ मध्ये स्थिर ठेवले आहे.

पाकिस्तानच्या कमकुवतपणा- युद्धातील पराभव, आर्थिक संकट आणि जुनी शस्त्रे यामुळे क्रमवारीत घसरण झाली आहे.

जागतिक बदल- अमेरिका अव्वल स्थानावर आहे, पण चीन आणि रशिया जवळ येत आहेत.

ही क्रमवारी पारंपारिक युद्ध क्षमतांवर आधारित आहे. अण्वस्त्रांचा पूर्णपणे हिशेब केला जात नाही. जीएफपी दरवर्षी अद्यतनित केले जाते, म्हणून भविष्यात बदल शक्य आहेत.