मेक्सिकोच्या सोनोरामधील हर्मोसिलो शहरातील एका डिस्काउंट स्टोअरमध्ये भीषण आग लागल्याची धक्कादायक घटना समोर आली आहे, ज्यामध्ये अनेक लहान मुलांसह किमान २३ जणांचा मृत्यू झाला आणि १२ हून अधिक लोक जखमी झाले आहेत. देशभरात ‘डे ऑफ द डेड’ साजरा केला जात असताना ही दुर्घटना घडली. या घटनेने सर्वांनाच मोठा धक्का बसला.
सोनारा राज्याचे अटॉर्नी जनरल गुस्तावो सालास यांनी दिलेल्या माहितीनुसार, आगीनंतर दुकानात धूर झाला. विषारी गॅस वेगाने पसरल्याने बहुतेक लोकांना श्वास घेण्यास त्रास झाला आणि नंतर त्याचा मृत्यू झाला. फॉरेन्सिक टीमने मृतदेहांची तपासणी सुरू केली आहे.
स्थानिक मीडियाच्या रिपोर्टनुसार, स्फोट किंवा आगीमागे इलेक्ट्रिकल फॉल्ट हे कारण असल्याचं म्हटलं जातं. शहराच्या अग्निशमन प्रमुखांनी सांगितलं की, तपास सुरू आहे. हर्मोसिलो नगरपालिकेने स्पष्ट केलं की, हा दहशतवादी हल्ला नव्हता.
सोनाराचे गव्हर्नर अल्फोन्सो दुराझो म्हणाले, "दुर्घटनेचे कारण निश्चित करण्यासाठी मी पारदर्शक आणि सखोल चौकशीचे आदेश दिले आहेत. ही एक अतिशय दुःखद घटना आहे, विशेषतः मृतांमध्ये लहान मुलं असल्याने सर्वांना मोठा धक्का बसला आहे."
सोनारा रेड क्रॉसने दिलेल्या माहितीनुसार, ४० पथकं आणि १० रुग्णवाहिका बचाव कार्यात सहभागी होत्या. सहा वेळा जखमींना रुग्णालयात नेण्यात आलं. अग्निशमन विभागाने सांगितलं की, आग आता आटोक्यात आली आहे, परंतु ढिगाऱ्याखाली अडकलेल्यांचा शोध अजूनही सुरू आहे.
Web Summary : A devastating fire at a discount store in Hermosillo, Mexico, killed at least 23 people, including children, and injured over a dozen. The fire, possibly caused by an electrical fault, spread rapidly, filling the store with toxic fumes. Investigations are underway to determine the exact cause of the tragedy.
Web Summary : मेक्सिको के हर्मोसिलो में एक डिस्काउंट स्टोर में भीषण आग लगने से बच्चों समेत कम से कम 23 लोगों की मौत हो गई और एक दर्जन से अधिक घायल हो गए। आग, संभवतः बिजली की खराबी के कारण लगी, तेजी से फैली, जिससे स्टोर जहरीले धुएं से भर गया। त्रासदी के सही कारणों का पता लगाने के लिए जांच जारी है।