Tejas Aircraft Crash: भारतीय हवाई दलाच्या तेजस या लढाऊ विमानाचा भंयकर अपघात झाला. दुबईमध्ये सुरू असलेल्या एअर शो दरम्यान हा अपघात घडला. हवाई कसरती सादर करण्यासाठी तेजस हवेत झेपावले होते. मात्र, काही क्षणातच ते खाली कोसळले. जमिनीवर कोसळताच मोठा स्फोट झाला आणि आग आणि धुराचे लोळ उठले. या घटनेत पायलटचा मृत्यू झाला.
दुबईतील एअर शोमध्ये भारतीय हवाई दलाचे तेजस हे लढाऊ विमानही सहभागी झाले होते. चित्तथरारक प्रात्यक्षिक करून दाखवण्यासाठी ते आकाशात झेपावले होते. पण, कसरती करण्यापूर्वीच ते खाली कोसळले. ही घटना शुक्रवारी दुपारी २ वाजून १० मिनिटांनी घडली.
भारतीय हवाई दलाने तेजस विमान कोसळल्याच्या घटनेला दुजोरा दिला आहे. या घटनेची माहिती मिळवत आहोत, असे अधिकाऱ्यांनी सांगितले.
भारतीय हवाई दलाचे तेजस हे लढाऊ विमान दुबई एअर शो-२५ दरम्यान कोसळले आहे. अधिकची माहिती घेतली जात आहे. विमानातील पायलटचा गंभीर जखमी झाल्याने मृत्यू झाल्याचे भारतीय हवाई दलाच्या प्रवक्त्यांनी सांगितले.
हा अपघात का घडला, याबद्दलची अद्याप माहिती मिळालेली नाही. भारतीय हवाई दलाने म्हटले आहे की आम्ही या अपघाताची कारणे शोधणार आहोत. या अपघातबद्दलची जी माहिती समोर येईल, ती माध्यमांना दिली जाईल.
या एअर शो साठी भारतीय हवाई दलाचे तेजस आणि सूर्यकिरण एरोबेटिक्स टीम गेल्या आठवड्यात अल मक्तोम हवाई तळावर दाखल झाली होती.
तेजस लढाऊ विमानाचा हा दुसरा मोठा अपघात झाला आहे. यापूर्वी २०२४ मध्ये जैसलमैरजवळ तेजस विमान अपघातग्रस्त झाले होते.
Web Summary : A Tejas fighter jet of the Indian Air Force crashed during an air show in Dubai. The aircraft was performing aerial maneuvers when it suddenly plummeted, resulting in a large explosion and fire upon impact.
Web Summary : दुबई में एक एयर शो के दौरान भारतीय वायु सेना का तेजस लड़ाकू विमान दुर्घटनाग्रस्त हो गया। विमान हवाई करतब दिखा रहा था तभी अचानक नीचे गिर गया, जिससे टकराने पर एक बड़ा विस्फोट और आग लग गई।