हेलिकॉप्टरचे पाते लागून कैलाश मानसरोवर यात्रेकरुचा मृत्यू

कैलाश मानसरोवर यात्रेसाठी गेलेल्या एका 42 वर्षिय यात्रेकरुचा नेपाळमध्ये हेलिकॉप्टरचे पाते लागल्यामुळे मृत्यू झाला आहे.

काठमांडू/नवी दिल्ली- कैलाश मानसरोवर यात्रेसाठी गेलेल्या एका 42 वर्षिय यात्रेकरुचा नेपाळमध्ये हेलिकॉप्टरचे पाते लागल्यामुळे मृत्यू झाला आहे. नेपाळच्या हिल्सा या डोंगराळ विभागामध्ये हे हेलिकॉप्टर उतरल्यावर हेलिकॉप्टरच्या मागच्या बाजूस असणारे पाते लागल्यामुळे नागेंद्र कुमार कार्तिक मेहता या यात्रेकरुचे प्राण गेले.
मुळचे मुंबईचे असलेले नागेंद्र कुमार कार्तिक मेहता कैलाश मानसरोवर यात्रेसाठी जात असताना हा अपघात झाल्याची माहिती सहाय्यक मुख्य जिल्हा अधिकारी महेश कुमार पोखरेल यांनी दिली. हा अपघात झाला तेव्हा हेलिकॉप्टर जमिनीवर होते.

#KailashMansarovar pilgrim from #Maharashtra - Kartik Nagendrakumar Mehta - died today in Hilsa (#Nepal) when he was accidently hit by the tail rotor of a helicopter. pic.twitter.com/vO3enjRFyP

— Zishan Haider (@ZishanHNaqvi) August 14, 2018

हेलिकॉप्टरपासून यात्रेकरुंनी दूर राहाणे अपेक्षित होते मात्र काही कारणाने नागेंद्र कुमार हेलिकॉप्टरच्या मागच्या बाजूस गेले आणि त्यांना रोटरच्या पात्याचा धक्का लागला. त्यांचा मृतदेह सिमिकोट येथे पोस्टमार्टेमसाठी नेण्यात आला असून त्यानंतर तो नातलगांकडे सोपविण्यात येईल. या अपघातानंतर हेलिकॉप्टरच्या मागच्या भागाचे नुकसान झाले आहे.

A #KailashMansarovar pilgrim from Maharashtra, Kartik Nagendrakumar Mehta today died in a freak #accident abt an hour ago in Hilsa.He accidentaly hit the tail rotor while rushing to board the chopper.@IndiaInNepal coordinating with tour operators to ensure all possible support. pic.twitter.com/d4KwelhmRI

— Pranay Upadhyaya (@JournoPranay) August 14, 2018

नेपाळचा सिमीकोट आणि हिल्सा हा भाग केवळ लहान विमाने आणि हेलिकॉप्टर्सच्या मदतीनेच इतर जगाशी जोडलेला आहे. इतर कोणत्याही मार्गाने येथे जाता येत नाही.
कैलाश मानसरोवर हे धार्मिकस्थळ चीनव्याप्त तिबेटमध्ये असून दरवर्षी हजारो भारतीय या यात्रेसाठी जातात. मात्र ही यात्रा अत्यंत खडतर प्रवास करुन पूर्ण करावी लागते.