Coronavirus : लॉकडाऊन न करता 'या' देशाची कमाल, केली कोरोनावर मात

Coronavirus : जगात सहा लाखांहून अधिक लोकांनी कोरोनाला हरवलं आहे. याच दरम्यान एका देशाने लॉकडाऊन न करता कोरोनावर मात केल्याची दिलासादायक माहिती समोर आली आहे. 

कोरोनामुळे आतापर्यंत 160,784 हून अधिक लोकांना आपला जीव गमवावा लागला आहे. तर 2,332,471 लोकांना त्याचा संसर्ग झाल्याची माहिती मिळत आहे. तर 600,006 लोक बरे झाल्याची माहिती मिळत आहे. कोरोनाचा संसर्ग रोखण्यासाठी भारतातसह अनेक देशांनी लॉकडाऊनची घोषणा केली आहे. सर्वच देश कोरोनाशी सामना करत असून खबरदारीचे सर्व उपाय केले जात आहेत. तर आतापर्यंत जगात सहा लाखांहून अधिक लोकांनी कोरोनाला हरवलं आहे. याच दरम्यान एका देशाने लॉकडाऊन न करता कोरोनावर मात केल्याची दिलासादायक माहिती समोर आली आहे. 

दक्षिण कोरियानंतर आता हाँगकाँगने लॉकडाऊन न करता कोरोनावर नियंत्रण मिळवल्याची माहिती मिळत आहे. हाँगकाँगमध्ये 31 मार्च रोजी 715 कोरोनाबाधितांची नोंद करण्यात आली होती. तर, एप्रिलच्या अर्ध्या महिन्यापर्यंत 1024 रुग्णांची नोंद करण्यात आली आहे. त्यापैकी 568 जणांनी कोरोनाला मात दिली आहे. त्यामुळे हाँगकाँगने कोरोनाच्या संसर्गावर बऱ्यापैकी नियंत्रण मिळवले असल्याचे समोर आले आहे. 'डेली मेल'च्या वृत्तानुसार, हाँगकाँग आयसोलेशन आणि सोशल डिस्टंसिंगच्या माध्यमातून कोरोनाशी सामना करत आहे.

हाँगकाँगने आपल्या सीमांवर निर्बंध लादले होते. त्याशिवाय कोरोनाग्रस्तांच्या क्वारंटाईनची व्यवस्था करण्यासह त्यांच्या संपर्कात आलेल्या सर्वच लोकांना क्वांरटाईन केले होते. त्याशिवाय सोशल डिस्टंसिंगचाही पर्याय अवलंबला आहे. या उपाययोजना यशस्वी झाल्यामुळे हाँगकाँगच्या अर्थव्यवस्थेला इतर देशांसारखी मोठी झळ पोहचली नसल्याचे तज्ञ सांगतात. कोरोनाचे रुग्ण आढळल्यानंतर चीन, इटली, स्पेन, भारतासह अनेक देशांमध्ये लॉकडाऊन जाहीर करण्यात आला. त्यामुळे या देशांच्या अर्थव्यवस्थेवर गंभीर परिणाम होत आहे. एका हिंदी वेबसाईटने याबाबतचे वृत्त दिले आहे.

Coronavirus : Apple Maps देणार आता कोरोना व्हायरस चाचणी केंद्राची माहितीhttps://t.co/EWHgQy4wqJ#CoronaUpdatesInIndia#AppleMaps

— Lokmat (@MiLOKMAT) April 19, 2020

जवळपास 75 लाख लोकसंख्या असलेल्या हाँगकाँगमध्ये सार्वजनिक आरोग्य व्यवस्थेवर भर देण्यात आला होता. त्याचा सकारात्मक परिणाम दिसून आला आणि कोरोनाग्रस्तांच्या संख्येवर नियंत्रण दिसून आल्याचं तज्ञांनी म्हटलं आहे. हाँगकाँग विद्यापीठाचे प्राध्यापक बेंजामिन कॉउलिंग यांनी सांगितले की, सार्वजनिक आरोग्य व्यवस्थेच्या उपाययोजनांचा मोठ्या प्रमाणांवर अवलंब करण्यात आला. कोविड-19 च्या संसर्गाला रोखण्यासाठी हे महत्त्वाचे पाऊल ठरले असल्याचे त्यांनी सांगितले. हाँगकाँगकडून इतर देशांनाही खूप काही शिकता येण्यासारखं असल्याचे त्यांनी सांगितलं आहे.

Coronavirus : कोरोनाचा हाहाकार! जगभरातील सर्वाधिक मृत्यू अमेरिकेत, रुग्णांचा आकडा 7,38,792 वरhttps://t.co/Z7X7lESQKD#CoronaLockdown#America

— Lokmat (@MiLOKMAT) April 19, 2020

महत्त्वाच्या बातम्या

Coronavirus : Apple Maps देणार आता कोरोना व्हायरस चाचणी केंद्राची माहिती

Coronavirus : भयंकर! 'तो' वाद जीवावर बेतला, सॅनिटायझेशन करणाऱ्या तरुणाची हत्या

Coronavirus : कोरोनाचा हाहाकार! जगभरातील सर्वाधिक मृत्यू अमेरिकेत, रुग्णांचा आकडा 7,38,792 वर

Coronavirus : कौतुकास्पद! लॉकडाऊनमध्ये गर्भवती महिलेसाठी टॅक्सी ड्रायव्हर ठरला देवदूत

Coronavirus : धोका वाढला! देशात एका दिवसात 2154 नवे रुग्ण, कोरोनाग्रस्तांची संख्या 16,000 वर

Coronavirus : बापरे! भाजीवाल्याला कोरोनाची लागण, तब्बल 2,000 जण क्वारंटाईन