वसमत (जि. हिंगोली): वसमत-परभणी महामार्गावरील तेलगाव फाट्याजवळ गुरुवारी दुपारी २ वाजेच्या सुमारास झालेल्या दोन दुचाकींच्या भीषण अपघातात दोन जणांचा दुर्दैवी मृत्यू झाला. या अपघातात नितीन नागोराव नरवाडे (२१, रा. नांदुसा, जि. नांदेड) आणि सिराज शेख उमर (४२, रा. बऊर, ता. कळमनुरी) या दोघांचा जागीच अंत झाला. धडक इतकी प्रचंड होती की, दोन्ही दुचाकींचा अक्षरशः चक्काचूर झाला आहे.
दोन जण गंभीर जखमीया अपघातात सिराज यांच्या पत्नी गौसाबी शेख सिराज (४०) आणि नितीन यांचा साथीदार कपिल हाटकर (३०) हे दोघे गंभीर जखमी झाले आहेत. घटनेनंतर स्थानिक नागरिक मुखीद अफजल, सय्यद अतिफ कलंदर व इतरांनी पोलीस कर्मचाऱ्यांच्या मदतीने जखमींना तातडीने वसमतच्या उपजिल्हा रुग्णालयात दाखल केले. मात्र, प्रकृती चिंताजनक असल्याने त्यांना पुढील उपचारासाठी नांदेड येथे हलवण्यात आले आहे.
अपघाताचा थरारएक दुचाकी वसमतच्या दिशेने येत होती, तर दुसरी परभणीकडे जात असताना तेलगाव फाट्याजवळ हा भीषण अपघात घडला. धडक बसताच दोन्ही दुचाकींवरील चौघेही जण रस्त्यावर दूरवर फेकले गेले. हाटा पोलीस ठाण्याचे कर्मचारी घटनास्थळी पोहोचले असून, याप्रकरणी गुन्हा दाखल करण्याची प्रक्रिया रात्री उशिरापर्यंत सुरू होती.
Web Summary : A tragic accident near Vasmat, Hingoli, claimed two lives and left two seriously injured. The collision involved two motorcycles near Telgaon Phata. Nitin Narwade and Siraj Sheikh died instantly. Injured individuals were shifted to Nanded for advanced medical care. Police are investigating.
Web Summary : वसमत, हिंगोली के पास एक दुखद दुर्घटना में दो लोगों की जान चली गई और दो गंभीर रूप से घायल हो गए। तेलगाँव फाटा के पास दो मोटरसाइकिलें टकरा गईं। नितिन नरवाडे और सिराज शेख की मौके पर ही मौत हो गई। घायलों को बेहतर इलाज के लिए नांदेड़ भेजा गया। पुलिस जांच कर रही है।