Weight gain in winter : हिवाळा आला की, अनेकांना वजन वाढण्याचं टेंशन असतं. कारण या दिवसात अनेकांचं वजन वाढतं. पण याचं नेमकं कारण काय असतं हे बऱ्याच लोकांना माहीत नसतं. अनेकांना वाटतं की, पालेभाज्या, कडधान्य किंवा पौष्टिक आहाराने या दिवसात वजन वाढतं. पण खरं कारण एका रिसर्चमधून आलं आहे. या रिसर्चनुसार, कॅलरीज स्टोर करण्याची शरीराची सवय थंडीच्या दिवसात अधिक वाढते. त्यामुळे थंडीच्या दिवसात वाढत्या वजनावर कंट्रोल ठेवणं अवघड जातं.
सामान्यपणे असं मानलं जातं की, हाय कॅलरी फूड आणि एक्सरसाइज न केल्यामुळे या दिवसात आपलं वजन वाढतं. पण रिसर्चमधून समोर आलं आहे की, केवळ ही दोनच कारणे हिवाळ्यात वजन वाढण्याला कारणीभूत नाहीत तर हिवाळ्यात शरीराला कॅलरी स्टोर करून ठेवण्याची सवय असते, त्यामुळेच या दिवसात लोकांचं वजन वाढतं.
हिवाळ्यात वजन वाढण्याची इतर कारणे
हिवाळ्यात लोक हे हायबरनेशन मोडमध्ये जातात. ज्यामुळे ते आपल्या बिछान्यात शरीर गरम करण्याचा प्रयत्न करत असतात आणि लेझी आवर्सचा काळ वाढतो. वैज्ञानिकांना आढळलं की, अस्वलांप्रमाणे मनुष्य सुद्धा हिवाळ्यात स्वत:ला हायबरनेट करतात आणि दररोज साधारण 200 कॅलरी अधिक घेतात.
स्लीप हार्मोन
रिसर्चमधून समोर आले आहे की, या काळात दिवस लहान असल्याने आणि उन्हाच्या संपर्कात आल्याने शरीरातील हार्मोन्समध्ये बदल होतो. शरीरातील पीनल ग्लॅंड अधिक प्रमाणात मेलाटोनिन रिलीज करू लागतं. हे एक स्लीप हार्मोन आहे. यामुळे सीजनल अफेक्टिव डिसऑर्डर वाढू लागतं आणि आपल्याला हिवाळ्यात जास्त झोप येते. याकारणाने आपली शारीरिक हालचाल कमी होते आणि आहार जास्त घेतला जातो.
मेटाबॉलिज्म
या दिवसात आपल्या शरीराला गरमी देण्यासाठी आपलं मेटाबॉलिज्म अधिक एनर्जी बर्न करू लागतं. एक्सपर्ट्स सांगतात की, या एक्स्ट्रा एनर्जीसाठी शरीराला जास्त आहाराची गरज पडते. पण असं अजिबात नाहीये की, जास्त खाऊन आपण शरीराला गरमी देऊ शकतो. जर आपण गरम वातावरणात राहिलो तर आपल्या शरीराला कमी भूक लागेल आणि वजन नियंत्रणात राहणार.