Gondia News | Latest Gondia News in Marathi | Gondia Local News Updates | ताज्यबातम्या गोंदिया | गोंदिया समाचार | Gondia Newspaper

लोकमत न्यूज नेटवर्कगोंदिया : जिल्ह्यात कोरोना बाधित रुग्ण वाढीचा दर कायम आहे. रविवारी (दि.९) जिल्ह्यात पुन्हा ४७ कोरोना बाधितांची भर पडली. त्यामुळे जिल्ह्यात कोरोनाचा संसर्ग झपाट्याने वाढत असल्याचे चित्र असून नागरिकांमध्ये भीतीचे वातावरण निर्माण झाले आहे. मात्र रविवारी २६ कोरोना बाधितांनी कोरोनावर मात केल्याने थोडासा दिलासा मिळाला आहे.ऑगस्ट महिन्याच्या सुरूवातीपासूनच जिल्ह्यात कोरोना बाधितांच्या संख्येत वाढ होत आहे. तर मागील आठ दिवसांच्या कालावधीत दोनशेहून अधिक रुग्णांची नोंद झाली आहे. रविवारी आढळलेल्या कोरोना बाधित रुग्णांमध्ये गोंदिया तालुक्यातील २०, सालेकसा ४, देवरी २, आमगाव ५, तिरोडा १०, अर्जुनी मोरगाव ३, सडक अर्जुनी तालुक्यातील ३ रुग्णांचा समावेश आहे. गोंदिया आणि तिरोडा तालुक्यात मागील आठ दिवसांपासून कोरोना बाधित रुग्णांच्या संख्येत सातत्याने वाढ होत असल्याने हे दोन्ही तालुके कोरोनाचे हॉटस्पॉट होत असल्याचे चित्र आहे. तर कोरोनाचा वाढता संसर्ग रोखण्यात आरोग्य यंत्रणा आणि जिल्हा प्रशासन अपयशी ठरत असल्याचे चित्र आहे. रविवारी जिल्ह्यात ४७ कोरोना बाधितांची भर पडल्याने जिल्ह्यातील एकूण कोरोना अॅक्टीव्ह रुग्णांची संख्या २४४ वर पोहचली आहे. तर २६ कोरोना बाधितांनी कोरोनावर मात केल्याने कोरोनामुक्त झालेल्यांची संख्या ३२३ वर पोहचली आहे. जिल्ह्यात आतापर्यंत एकूण ५९९ कोरोना बाधित रुग्ण आढळले आहे. कोरोना संसर्गाच्या अनुषंगाने आतापर्यंत ११ हजार ७४ जणांचे स्वॅब नमुने प्रयोगशाळेत तपासणीसाठी पाठविण्यात आले होते. त्यापैकी ५९९ स्वॅब नमुने कोरोना पॉझिटिव्ह आले आहे. तर १० हजार २४५ नमुने कोरोना निगेटिव्ह आले आहे.१४६ स्वॅब नमुन्यांचा अहवाल अनिश्चित असून ७४ स्वॅब नमुन्यांचा अहवाल अद्याप प्रयोगशाळेकडून जिल्हा आरोग्य विभाग आणि शासकीय वैद्यकीय महाविद्यालयाला प्राप्त व्हायचा आहे.

Gondia (Marathi News)

गोंदिया जिल्ह्यात कोरोनाचा संसर्ग झपाट्याने वाढत असल्याचे चित्र आहे. ...