सभागृहाची अवमानना व अधिकाऱ्यांची दिशाभूल

जिल्हा परिषदेच्या सर्वसाधारण सभेत झालेल्या निर्णयावर तत्काळ कारवाई करण्याचे अधिकार विभागप्रमुख आणि अधिनस्थ सहायकांना असतात.

शिक्षक माने निलंबन प्रकरण : वरिष्ठ सहायकावर कारवाई करागोंदिया : जिल्हा परिषदेच्या सर्वसाधारण सभेत झालेल्या निर्णयावर तत्काळ कारवाई करण्याचे अधिकार विभागप्रमुख आणि अधिनस्थ सहायकांना असतात. मात्र विभागप्रमुख आणि सहायक सभागृहाची अवमानना व अधिकाऱ्याची दिशाभूल कशी करतात, हे जि.प.च्या सामान्य प्रशासन विभागात कार्यरत वरिष्ठ सहायक खांडवाहेच्या भेटीदरम्यान दिसून आल्याचे जि.प. सदस्य मनोज डोंगरे यांनी लोकमतशी बोलताना सांगितले.तिरोडा तालुक्यातील जि.प. शाळा बेरडीपार येथील शिक्षक नेतराम माने यांना सेवा शिस्त नियमाची उधळपट्टी करुन निलंबित केले. हे प्रकरण २ नोव्हेंबरला जि.प.च्या सर्व साधारण सभेत मनोज डोंगरे, सुरेश हर्षे आणि गंगाधर परशुरामकर यांनी उचलून धरले. नियम, पुरावे देण्यात आले. यावेळी रामटेके, विश्वजित डोंगरे आणि भक्तवर्ती यांच्यासह इतरांनी समर्थन केले. या वेळी अतिरिक्त मुख्य कार्यपालन अधिकारी पाडवी यांनी रिईस्टे करण्याचे आदेश शिक्षण विभागाला दिले होते.शिक्षण विभागाने रिईस्टेची टिपनी साप्रविकडे पाठविण्यात आल्याचे माहीत झाल्याने (दि.२४) आपण सामान्य प्रशासन विभागाचे उपमुख्य कार्यकारी अधिकारी पुराम यांना भेटायला गेलो. मात्र उपस्थित नसल्याने वरिष्ठ सहायक खांडवाहे यांची भेट घेऊन निलंबित शिक्षक नेतराम मानेच्या प्रकरणाचा काय करण्यात आला, अशी विचारणा करताच खांडवाहे यांनी त्या शिक्षकबद्दल धमकावत उडवाउडवीचीे आणि दिशाभूल करणारे उत्तरे दिली, असे जि.प. सदस्य मनोज डोंगरे यांनी सांगितले. तसेच सभागृहात ठरल्यानंतर या सहायकाला अन्य कारणे सांगण्याचे कारण काय? सभागृहाला ग्राह्य धरण्यात येत नसेल तर जि.प.च्या मिनी मंत्रालय सभागृहाला आणि त्यांच्या पदाधिकाऱ्यांना अर्थ काय? असा सवालही उपस्थित केला आहे.संपूर्ण जि.प. मध्ये विविध विभागातील कक्ष अधिकारी, अधीक्षक आणि कनिष्ठ व वरिष्ठ सहायक दिशाभूल करुन फसवणूक करतात. तसेच तेथे गोरखधंदा सुरु असल्याचेही डोंगरे यांनी सांगितले आहे. माने शिक्षकाचे निलंबन पूर्णत: चुकीने करण्यात आले. यात मुख्य कार्यपालन अधिकारी यांची दिशाभूल करुन पुरावे व वास्तव लपविण्यात आले. तरीदेखील वरिष्ठ सहायक खांडवाहे म्हणतो, कारवाई बरोबर करण्यात आली. डोंगरे यांनी सांगितले, आपण प्रकरणाची शहनिशा केली आणि पुरावे तपासले. त्यात कारवाई चुकीची असल्याचे स्पष्ट दिसून येत आहे.वरिष्ठ सहायक खांडवाहे यांच्यानुसार, रितसर पुरावे आणि सेवा-शिस्त नियमांचा पालन केला नसल्याची विचारणा मुख्य कार्यपालन अधिकाऱ्यांमार्फत करणार असल्याचेही डोंगरे यांनी सांगितले. वरिष्ठ सहायक खांडेवाहे शिक्षण विभागात कार्यरत असताना पी.एच. लाळे प्रकरण दडपून शिक्षक माने यांनी न्यायालयात धाव घेण्याची परवानगी व वृत्तपत्रात संकलनाची परवानगी संबंधात दिलेल्या पत्रावर वरिष्ठ अधिकाऱ्यांनी टिप्पणी तयार करण्याचे सुचविले असताना खांडेवाहे यांनी प्रकरणे लपवून अधिकाऱ्यांची दिशाभूल केली असल्याचे पुराव्यावरुन स्पष्ट दिसून येत आहे.सभागृह, न्यायालय, मुख्य कार्यपालन अधिकारी, विभागप्रमुख यांची दिशाभूल करणाऱ्या तसेच पदाधिकाऱ्यांशी असभ्य वर्तणूक आणि दिशाभूल करीत अवमानना करणाऱ्या शिक्षण विभाग व सामान्य प्रशासन विभागामधील वरिष्ठ सहायक खांडवाहे याच्यावर कारवाई करण्याची मागणी जि.प. सदस्य डोंगरे यांनी केली. अन्यथा आंदोलन करण्याचा इशाराही देण्यात आला आहे.न्यायालयाची बाब वरिष्ठ सहायकाने लपविलीन्यायप्रविष्ट प्रकरण न्यायालयाच्या कक्षेत असल्याने निर्णयापर्यंत त्या विषयाशी किंवा हस्तक्षेप करणे न्यायालयाची अवमानना सहायक खांडवाहे आणि शिक्षण विभागाने केली आहे. वरिष्ठ सहायक खांडवाहे यांनी उपमुख्य कार्यकारी अधिकारी पुराम यांना न्यायप्रविष्ट बाब आणि बेलची माहिती न देता लपविली आहे.उपमुख्य कार्यपालन अधिकाऱ्यांनी खडसावलेजि.प. सदस्य डोंगरे आपल्या सहकाऱ्यासोबत सामान्य प्रशासन विभागाचे उपमुख्य कार्यकारी अधिकारी एल.आर. पुराम यांची भेट घेतली. निलंबित शिक्षक एन.एल. माने यांच्या कारवाईबद्दल माहिती काढण्याचा प्रयत्न केला आणि संबंधित सहायक खांडवाहे यांची तक्रार केली. याचवेळी पुराम यांनी खांडेवाहेला बोलावून तात्काळ जी.बी. मध्ये ठरल्याप्रमाणे कारवाई करुन प्रस्ताव समक्ष सादर करण्याचे निर्देश दिले. प्रकरण लांबवित असल्याप्रकरणी या सहायकाला चांगलेच खडसावले असल्याचे जि.प. सदस्य मनोज डोंगरे यांनी सांगितले.