एसटीला मिळत होते उत्पन्न
वाय-फायची सुविधा पुरविण्याबाबतचा करार एसटी महामंडळ आणि वुट या कंपनीत २०१७ मध्ये झाला होता. ज्या कंपनीकडे होता त्या कंपनीला सदर सेवेच्या बदल्यात जाहीराती मिळतील अशी अपेक्षा होती. त्या उत्पन्नाचा वाटा एसटीलाही मिळणार होता. पण अपेक्षित नफा मिळत नसल्यामुळे सदर सेवा पुरवणाऱ्या कंपनीनेच त्याकडे लक्ष दिले नसल्याची माहिती एसटीच्या सूत्रांनी दिली.
प्रथमोपचार किटचा तुटवडा?
वर्षातून एक वेळ एसटी महामंडळाच्या सर्व बसेस आरटीओ पासिंगसाठी चंद्रपूरला जातात. त्या ठिकाणी असलेल्या एसटीच्या विभागीय भांडारमधून बसगाड्यांमध्ये नवीन प्रथमोपचार किट लावली जाते. पण गडचिरोली विभागातील बसगाड्यांना अनेक दिवसात सदर किट मिळाल्याच नसल्याचे प्रत्यक्ष पाहिलेल्या स्थितीवरून दिसून येते. कोरोनाच्या काळात एसटी महामंडळाचे उत्पन्न चांगलेच घटले. त्यामुळे नवीन किटची खरेदीच झाली नसल्याचे शंका व्यक्त केली जात आहे. भांडार विभागात प्रथमोपचार किटचा तुटवडा असल्याची माहिती मिळाली.
वाय-फाय सुविधेबाबत नेमके काय झाले याबाबतची माहिती घ्यावी लागेल. पण प्रथमोपचार किट बस वाहकाकडे असतात. किट बॉक्समधील साहित्य चोरीला जाते म्हणून वाहकाकडे ते ठेवले जाते. प्रवाशांना जास्तीत जास्त चांगली सेवा देण्याचा महामंडळाचा प्रयत्न असतो.
- अशोक वाडीभस्मे
विभाग नियंत्रक, गडचिरोली