लिंक फेलने ऑनलाईन कामे ठप्प

महामार्गासाठी खोदकाम व सिमेंट काँक्रीटीकरणाचे काम सुरू आहे. खोदकामादरम्यान बीएसएनएलची भूमिगत केबल लाईन तुटल्यामुळे कॉम्प्लेक्स परिसरात लिंक फेलची समस्या भारी झाली आहे. विशेष म्हणजे, बुधवार ते शुक्रवार या तीन दिवसात बरीच ऑनलाईन कामे प्रभावित झाली होती.

ठळक मुद्देतीन दिवसांपासून समस्या । रस्ता खोदकामाने भूमिगत केबल तुटल्याचा परिणाम

लोकमत न्यूज नेटवर्कगडचिरोली : गडचिरोली शहराच्या इंदिरा गांधी चौकापासून कॉम्प्लेक्स पर्यंत तसेच नवेगावच्या पुढे सुध्दा राष्ट्रीय महामार्गासाठी खोदकाम व सिमेंट काँक्रीटीकरणाचे काम सुरू आहे. खोदकामादरम्यान बीएसएनएलची भूमिगत केबल लाईन तुटल्यामुळे कॉम्प्लेक्स परिसरात लिंक फेलची समस्या भारी झाली आहे. विशेष म्हणजे, बुधवार ते शुक्रवार या तीन दिवसात बरीच ऑनलाईन कामे प्रभावित झाली होती.कॉम्प्लेक्स परिसरात शासनाच्या विविध विभागाचे अनेक कार्यालये आहेत. याशिवाय निमशासकीय कार्यालयाची संख्या कमी नाही. याशिवाय कॉम्प्लेक्स परिसरात गोंडवाना विद्यापीठ, राष्ट्रीयकृत तसेच खासगी बँकांचे कार्यालय आहेत. पूर्वीच्या तुलनेत आता गेल्या दोन-तीन वर्षात बहुतांश कार्यालयात ऑनलाईन कामे वाढली आहेत. वरिष्ठ कार्यालयाला विविध माहितींचे मेल पाठविणे, आलेले मेल अपलोड करणे, याशिवाय बँकांमार्फत आरटीजीएस, एनईएफटीद्वारे संबंधित खात्यात पैसे वळते करणे ही सर्व कामे ऑनलाईन होतात. यासाठी इंटरनेटची गती व कनेक्टिव्हीटी चांगली असणे आवश्यक आहे. मात्र रस्ता खोदकामादरम्यान केबल तुटल्याने कनेक्टिव्हीटी खंडीत झाली. परिणामी लिंकफेलचा फटका सर्वच ठिकाणच्या ऑनलाईन कामांना बसला.गडचिरोली शहरात बीएसएनएलसह इतर काही खासगी कंपन्यांनी भूमिगत केबल लाईन टाकली आहे. मुख्य शहरात रस्ता खोदकामादरम्यान नळ पाईपलाईन तसेच भ्रमणध्वनीची केबल लाईनही बऱ्याच ठिकाणी तुटली. त्यामुळे ऑनलाईन कामांचा खोळंबा काही दिवसांपूर्वी झाला होता. दरम्यान बीएसएनएलच्या वतीने तुटलेली केबल जोडण्यात आली. आता कनेक्टिव्हीटीची गडचिरोली शहरात फारशी समस्या नाही. मात्र कॉम्प्लेक्स परिसरात गेल्या चार ते पाच दिवसापासून ही समस्या भारी बनली आहे. इंटरनेट कनेक्टिव्हीटी तसेच स्पीड राहत नसल्याने ऑनलाईन कामे करताना कर्मचाऱ्यांचीही दमछाक होत आहे. प्रशासनाने बीएसएनएलने केबल लाईन सुरळीत करावी, अशी मागणी आहे.बँक व्यवहार प्रभावितइंटरनेट कनेक्टिव्हीटी व लिंकफेलच्या समस्येमुळे कॉम्प्लेक्स परिसरातील राष्ट्रीयकृत, जिल्हा मध्यवर्ती सहकारी तसेच सहकारी सोसायट्यांचे ऑनलाईन व्यवहार शुक्रवारी पूर्णत: ठप्प पडले होते. विशेष म्हणजे, गोंडवाना विद्यापीठाच्या परिसरात असलेल्या बँक ऑफ इंडियाच्या शाखेत लिंकफेल असा फलक लावण्यात आला होता.