आलापल्ली मसाहतीच्या हद्दीत अवैधरित्या मुरुमाचे खनन केले जात असल्याचे गाेपनीय माहिती चामाेर्शीचे तहसीलदार जितेंद्र सिकताेडे यांना प्राप्त झाली. त्यांनी महसूल व पाेलिसांचे पथक घेऊन घटनास्थळ गाठले. त्या ठिकाणी अवैधरित्या मुरूमाचे जेसीबीद्वारे खनन हाेत असल्याचे दिसून आले. त्या ठिकाणावरून चार ट्रॅक्टर व जेसीबी जप्त करून मंडळ कार्यालयात जमा करण्यात आल्या. यावेळी तहसीलदार यांच्यासह तलाठी सचिन गुरनुले, पोलीस उपनिरीक्षक जंगले, सहायक पोलीस उपनिरीक्षक संघरक्षित फुलझेले उपस्थित होते.
उन्हाळ्यात आता घरबांधकाम, रस्ते कामासाठी माेठ्या प्रमाणात मुरुमाची चाेरी हाेते. काही मुरूम चाेरटे ५० ब्राॅसची राॅयल्टी काढून २०० ते ३०० ब्राॅस मुरुमाची चाेरी करतात. बनावट राॅयल्टी बनवून प्रशासकीय यंत्रणेच्या डाेळ्यात धूळ झाेकली जाते. त्यामुळे रेतीप्रमाणेच मुरुमाच्या ट्रॅक्टरचीही राॅयल्टी तपासण्याची गरज आहे. रेतीप्रमाणेच मुरूम चाेरीचाही धंदा तेजीत आहे. यावर आळा घालण्याची गरज आहे.