लाेकमत न्यूज नेटवर्क
गडचिराेली : रुग्णालयाला आग लागल्यास ती कशी विझवावी, याबाबतचे प्रात्यक्षिक नगर परिषदेच्या अग्निशमन यंत्रणेच्या कर्मचाऱ्यांनी आराेग्य कर्मचाऱ्यांना करून दाखविले. भंडारा येथील जिल्हा रुग्णालयात दहा बालकांचा मृत्यू झाला. जिल्ह्यातील रुग्णालयांमध्ये शाॅर्टसर्किटमुळे एखादी घटना घडू नये, यासाठी जिल्हा शल्य चिकित्सकांनी विद्युत कार्यकारिणीची सभा घेतली. या सभेला बांधकाम विभागाचे कार्यकारी अभियंता, विद्युत विभागाचे कार्यकारी अभियंता, जिल्हा आपत्ती व्यवस्थापन अधिकारी, आयडीडब्ल्यू अभियंता, उपजिल्हा रुग्णालयाचे वैद्यकीय अधीक्षक, महिला व बाल रुग्णालयाचे वैद्यकीय अधीक्षक आदी उपस्थित हाेते. जिल्हाभरातील ग्रामीण, उपजिल्हा रुग्णालयांनी इलेक्ट्रिक ऑडिट करून अहवाल सादर करण्याच्या सूचना जिल्हा शल्य चिकित्सकांनी केल्या. दर सहा महिन्यांनी इलेक्ट्रिक ऑडिट करून त्याचे प्रमाणपत्र सादर करण्याच्या सूचना केल्या. रुग्णालयात आग लागल्यास नागरिक व रुग्णांना लवकर बाहेर पडता येईल, यादृष्टीने व्यवस्था करावी, प्रत्येक रुग्णालयात एक्सिंग्विशर बसवावे, अशा सूचना जिल्हा शल्य चिकित्सकांनी दिल्या.