गडचिराेली : शासकीय आश्रमशाळा तसेच वसतिगृह चतुर्थ श्रेणी कर्मचारी संघटनेचा मेळावा शुक्रवारी स्थानिक पत्रकार भवनात पार पडला. या मेळाव्यात विविध विषयांवर विचारमंथन करण्यात आले. मेळाव्याच्या अध्यक्षस्थानी कार्तिकस्वामी काेवे हाेते. प्रमुख अतिथी म्हणून माजी प्रकल्प अध्यक्ष संताेष धाेटे, भामरागड प्रकल्प अध्यक्ष युवराज कुमरे, भजन किरंगे, भाऊराव गाेडघाडे उपस्थित हाेते. मेळाव्यात संघटनेचे महत्त्व, समस्या यासह विविध बाबींवर संताेष धाेटे यांनी मार्गदर्शन केले. नाेकर कपात, धाेरणात्मक निर्णय, सेंट्रल किचन याविषयी प्रा. रमेशचंद्र धाेटे यांनी मार्गदर्शन केले. कार्तिकस्वामी काेवे यांनी संघटना मजबूत करण्यााबाबत काय कार्यक्रम व उपक्रम राबविता येईल याविषयी सांगितले. दरम्यान चतुर्थ श्रेणी कर्मचारी संघटनेच्यावतीने उपस्थित मान्यवरांचा शाल, श्रीफळ व पुष्पगुच्छ देऊन सत्कार करण्यात आला. कार्यक्रमाचे संचालन लालाजी मडावी तर आभार लाेमेश लाेंढे यांनी मानले.
यशस्वीतेसाठी गुरुदेव मडावी, लता काेडाप यांच्यासह कर्मचाऱ्यांनी सहकार्य केले.
बाॅक्स...
प्रकल्प कार्यकारिणी गठित
मेळाव्याच्या दुसऱ्या सत्रात चतुर्थ श्रेणी कर्मचारी गडचिराेली प्रकल्पाची कार्यकारिणी गठित करण्यात आली. चित्रकुट काेवे यांची गडचिराेली प्रकल्प अध्यक्षपदी निवड करण्यात आली. उपाध्यक्षपदी लालाजी मडावी, सचिवपदी लाेंढे तर सदस्यपदी वंदना गेडाम, वृंदा वड्डे, सुनिता आत्राम, ए.जे. इन्कने, युवराज झंझाळ, सुधीर दिकाेंडावार, अमर लाटेलवार, गणेश दुर्कीवार व इतर कर्मचाऱ्यांची निवड करण्यात आली.