शिरपूरात दहा तर दोंडाईचा येथील नऊ रूग्णांचे रिपोर्ट पॉझीटीव्ह

जिल्ह्यातील एकूण बाधीत रूग्णांची संख्या २६७ वर

धुळे- जिल्ह्यातील आणखी १९ रूग्णांना कोरोनाची लागण झाली आहे. शिरपूर येथील दहा व दोंडाईचा येथील नऊ रूग्णांचे रिपोर्ट पॉझीटीव्ह आले आहेत. दोंडाईचा येथील डालडा मील परिसरातील चार महिला व दोन पुरूषांचे रिपोर्ट पॉझीटीव्ह आले आहेत. राणीपुरा येथील एक युवक व ढाभरी येथील दोन पुरूषांना कोरोनाची लागण झाल्याचे स्पष्ट झाले आहे.तसेच शिरपूर येथील गोविंद नगर परिसरातील तीन पुरूष व एका महिलेचे रिपोर्ट पॉझीटीव्ह आले आहेत. बौद्धवाडा, खालचे गाव येथील एक युवक एक पुरूष व एका महिलेला कोरोनाचा संसर्ग झाला आहे. अंबिका नगर येथील दोन मुली तर केजी रोड परिसरातील एका महिलेचे रिपोर्ट पॉझीटीव्ह आले आहेत.