धुळे तालुक्यातील धनूर येथे न्याहळोद विद्युत उपकेंद्रातून आजपावेतो वीजपुरवठा व्हायचा. धनूर ते न्याहळोद अंतर ६ किमी असल्याने, तांत्रिक बिघाड, फ्युज उडणे यांसारख्या समस्या वारंवार भेडसावत होता. परिणामत: महिन्यातून ४ ते ५ दिवस धनूर ग्रामस्थांना अंधारात राहावे लागत होते. पावसाळ्यात तर वीजपुरवठा खंडितचे प्रमाण खूपच होत होते. या पार्श्वभूमीवर धनूर गावातील ग्रामस्थांचा त्रास कमी करण्यासाठी लोकनियुक्त सरपंच सत्यभामा रोहिदास शिंदे यांनी न्याहळोदऐवजी धनूरपासून १ किमीवर असलेल्या कापडणे सबस्टेशनपासून वीज मिळण्याची मागणी वरिष्ठ अधिकाऱ्यांपर्यंत केली होती. या कामासाठी धनूर गटनेते सुनील शिंदे आणि माजी कृषी सभापती बापू खलाणे यांचेही प्रयत्न मंजुरी मिळवत, सर्व पदाधिकारींच्या उपस्थितीत उद्घाटन करण्यात आले. यामुळे धनूर/लोणकुटे ग्रामस्थांसाठी २४ तास वीज उपलब्ध होणार आहे.
यावेळी सरपंच सत्यभामा शिंदे, उपसरपंच युवराज चौधरी महावितरणचे कार्यकारी अभियंता काशिनाथ बोबले, उपकार्यकारी अभियंता एन.बी. गांगुर्डे सहायक कार्यकारी अभियंता अंजली राजाराम हिंगमिरे, ठेकेदार अभय कासार, राजेंद्र वाघ, मालुबाई शिंदे, लताबाई चौधरी, माधुरी शिंदे, अरुण शिंदे, सुरेश बोरसे, अशोक शिंदे, हंसराज आबा बोरसे, गणेश खैरनार, शरद शिंदे आदी उपस्थित होते.