‘अरेरावी’वरून आता सदस्यही आक्रमक

राष्ट्रवादी काँग्रेसचे सदस्य ज्ञानेश्वर गीते यांनी वित्त विभागाकडे कुठलेही काम प्रलंबित नसताना दालनात येऊन अरेरावीची भाषा केल्याचे अध्यक्ष अस्मिता कांबळे, सीईओ राहुल गुप्ता यांची भेट घेऊन सांगितले हाेते. ही वार्ता लेखा व अन्य कर्मचारी संघटनांपर्यंत पाेहाेचताच त्यांनीही तातडीने सीईओ गुप्ता यांची भेट घेऊन गीते यांच्याविरुद्ध कारवाईची मागणी केली हाेती. यानंतर १९ जुलै राेजी काळ्या फिती लावून कामकाज करण्यात आले. कारवाई न झाल्यास कामबंद आंदाेलन करण्याचा इशाराही दिला आहे. दरम्यान, या सर्व घडामाेडी घडत असतानाच राष्ट्रवादीसह अन्य पक्षांच्या काही सदस्यांनी एकत्र येत थेट सीईओ गुप्ता यांची शुक्रवारी भेट घेतली. गीते यांनी कुठल्याही स्वरूपाची चुकीची भाषा वापरलेली नाही. उलट केंद्रे यांनीच गीते यांना अवमानकारक वागणूक दिली. खाेटे व बिनबुडाचे आराेप केले. एवढेच नाही तर अन्य विभागातील अधिकारी, कर्मचारी यांच्या मनामध्ये गैरसमज पसरवून शासकीय कामकाज प्रभावित केले. त्यांनी केलेल्या चुकीच्या आराेपांमुळे जनतेने निवडून दिलेले पदाधिकारी गीते यांची बदनामी झाली, अशा शब्दात पलटवार केला. यावेळी राष्ट्रवादीचे गटनेते महेंद्र धुरगुडे, सक्षणा सलगर, संदीप मडके, नितीन शेरखाने, जगताप, खंडागळे, इम्रान पठाण, शिंदे यांच्यासह आदींची उपस्थिती हाेती. त्यामुळे हे प्रकरण आता नेमक्या काेणत्या वळणावर जावून ठेपते, हे पाहणे औत्सुक्याचे ठरणार आहे.