पहिल्याच दिवशी आठ हजारावर विद्यार्थी ‘स्कूल चले’

१३७ शाळांचे उघडले कुलूप - येत्या काही दिवसांत २४६ शाळा हाेऊ शकतात सुरू

उस्मानाबाद - काेराेनाचा संसर्ग काहीअंशी ओसरल्यानंतर शासनाने आठवी व त्यापुढील वर्ग सुरू करण्यास हिरवा कंदील दाखविला. त्यानुसार मागील महिनाभरात एकही काेराेना रुग्ण आढळून न आलेल्या जिल्ह्यातील २४६ पैकी १३७ गावांतील शाळांची घंटा गुरुवारी सकाळी घणाणली. पहिल्याच दिवशी सुमारे ८ हजार ११५ विद्यार्थी ‘स्कूल चले’.

काेराेनाची पहिली लाट ओसरल्यानंतर पाचवी ते बारावीपर्यंतचे वर्ग सुरू झाले हाेते. काही दिवस हे वर्ग चालल्यानंतर काेराेनाची दुसरी लाट धडकली. पहिल्या लाटेपेक्षा ही लाट तीव्र स्वरूपाची असल्याने पुन्हा शाळा बंद करण्यात आल्या. लसीकरणासह विविध उपाययाेजनांनंतर संसर्ग काहीअंशी ओसरला. त्यामुळे शाळा सुरू करण्याच्या अनुषंगाने आढावा घेण्याचे निर्देश शासनाने स्थानिक शिक्षण विभागाला दिले हाेते. त्यानुसार शिक्षण विभागाने जिल्ह्यातील ६४० शाळांचा आढावा घेतला. त्यानुसार २१३ गावांमध्ये मागील महिनाभरात काेराेना रुग्ण आढळून आले आहेत. त्यामुळे या शाळा सुरू करता येत नाहीत. पालिका हद्दीतील १४७ व ३४ निवासी शाळा सुरू करण्यासही परवानगी नाही. या ३९४ गावांतील शाळा वगळता उर्वरित २४६ शाळा सुरू करता येऊ शकतात, असे कळविले असता, शासनाने उपराेक्त हिरवा कंदील दाखविला हाेता. त्यानुसार उपराेक्त गावांतील आठवी ते बारावीपर्यंतचे वर्ग गुरुवारपासून सुरू करण्याचे निर्देश शिक्षण विभागाने दिले हाेते. काेराेनाच्या पार्श्वभूमीवर आवश्यक खबरदारी घेण्याची सूचनाही केली हाेती.

त्यानुसार बहुतांश मास्क, सॅनिटायझरचा वापर, फिजिकल डिस्टन्सिंगचे तंताेतंत पालन करीत शाळा सुरू केल्या. शिक्षण विभागाने दुपारी ३ वाजेपर्यंत घेतलेल्या आकडेवारीनुसार १३७ शाळा उघडल्याचे समाेर आले. पहिल्याच दिवशी ८ हजार ११५ विद्यार्थ्यांनी वर्गात बसून ज्ञानार्जन केले. येत्या दाेन-तीन दिवसांत विद्यार्थीसंख्याही पूर्ववत असा विश्वास बहुतांश शाळांकडून बाेलून दाखविण्यात आला.

चाैकट...

गुलाबपुष्प देऊन स्वागत...

शैक्षणिक वर्ष जूनमध्ये सुरू झाले असले तरी काेराेनामुळे शाळा उघडल्या नव्हत्या. काेराेनाचा संसर्ग काहीअंशी कमी झाल्याने गुरुवारी आठवी ते बारावीचे वर्ग सुरू करण्यात आले आहेत. बहुतांश शाळांकडून पहिल्याच दिवशी विद्यार्थ्यांचे गुलाबपुष्प देऊन स्वागत करण्यात आले. काेराेनाच्या पार्श्वभूमीवर शासनाकडून करण्यात आलेल्या सूचनांचे तंताेतंत पालन केले जात आहे. त्यामुळे पालकांनी आपल्या मुलांना शाळेत पाठवावे, असे आवाहन शाळांनी केले आहे.

काेट...

मागील महिनाभरात एकही काेराेनाचा रुग्ण आढळून आला नसलेल्या २४६ गावांतील शाळा सुरू करण्याचे निर्देश दिले आहेत. मास्क, सॅनिटायझरचा वापर, फिजिकल डिस्टन्सिंगचे पालन करण्याबाबत शाळांना आदेशित केले आहे. त्यानुसार पहिल्याच दिवशी १३७ शाळा उघडल्या गेल्या. दुपारी तीन वाजेपर्यंत सुमारे ८ हजारावर विद्यार्थ्यांनी वर्गात जाऊन ज्ञानार्जन केले. साेमवारपर्यंत ही संख्या आणखी वाढेल.

- गजानन सूसर, शिक्षणाधिकारी, माध्यमिक.

जिल्ह्यात काेणत्या, किती शाळा...

जिल्हा परिषद उच्च प्राथमिक - १३५

जिल्हा परिषद माध्यमिक - ५३

खासगी उच्च प्राथमिक - २३

खासगी माध्यमिक व उच्च माध्यमिक - ४२९

एकूण - ६४०