सीकर - राजस्थानाच्या सीकरमध्ये माणुसकीला काळीमा फासणारी एक घटना समोर आली आहे. शुद्धीकरणासाठी एका प्रेमी युगुलाला निर्वस्त्र केल्याचा भयंकर प्रकार समोर आला आहे. धक्कादायक बाब म्हणजे या दोघांना जवळपास 400 लोकांसमोर गावात आंघोळ घालण्यात आली आहे. मिळालेल्या माहितीनुसार, सीकरमधील एका गावात ही लाजिरवाणी घटना घडली आहे. खाप पंचायतीच्या आदेशानंतर प्रेमी युगुलासोबत असं वर्तन करण्यात आलं आहे.
गावातील एका तरुण-तरुणीच्या प्रेमसंबंधांचा एक व्हिडीओ व्हायरल झाला होता. त्यामुळे पंचांनी या दोघांचं शुद्धीकरण करण्याचा आदेश दिला. तसेच दंडही ठोठावला. शुद्धीकरण करताना या दोघांना निर्वस्त्र करून जवळपास 300 ते 400 गावकऱ्यांच्या उपस्थितीत आंघोळ घातल्याची धक्कादायक घटना घडली आहे. या घटनेचे काही फोटो आणि व्हिडीओ सोशल मीडियावर व्हायरल झाले आहेत.
खाप पंचायतीच्या पंचांनी दोघांच्याही कुटुंबीयांना तब्बल 51 हजारांच दंड ठोठावला आहे. त्यानुसार तरुणाकडून 31 हजार आणि तरुणीकडून 22 हजार रुपये वसूल करण्यात आले आहेत. अखिल राजस्थान सांसी समाज सुधार आणि विकास न्यासाचे प्रदेश अध्यक्ष सवाईसिंह मालावत यांनी सीकरच्या पोलीस अधीक्षकांकडे या घटनेची तक्रार केली आहे. पोलिसांनी याप्रकरणी दहा जणांविरोधात गुन्हा दाखल केला आहे. एका हिंदी वेबसाईटने याबाबतचे वृत्त दिले आहे.
दंड न भरल्याने पंचांनीच केला महिलेवर सामूहिक बलात्कार
काही दिवसांपूर्वी पश्चिम बंगालच्या बीरभूम जिल्ह्यात एका आदिवासी महिलेवर सामूहिक बलात्कार केल्याची लज्जास्पद घटना घडली होती. या प्रकरणी चौघांना अटक करण्यात आली आहे. महिलेवर अनैतिक संबंध ठेवल्याचा आरोप करण्यात आला होता आणि पंचायतीने तिला एक लाख रुपये दंडाची शिक्षा सुनावली होती. मात्र एवढा दंड भरणं महिलेला शक्य झालं नाही. दंड न भरल्याने पंचांनी महिलेवर बलात्कार केल्याची धक्कादायक घटना समोर आली होती.
महत्त्वाच्या बातम्या
शाब्बास पोरी! जखमी झाली तरी नेटाने लढली, 15 वर्षीय मुलीने चोरांना चांगलीच अद्दल घडवली
कडक सॅल्यूट! 25 किमी तब्बल 8 तास पायी प्रवास करून ITBP जवानांनी कुटुंबीयांपर्यंत पोहोचवला मृतदेह
'मी राष्ट्रवादीचा आमदार' असं म्हणत रोहित पवारांनी केला 'या' संघटनेला विरोध
एकापेक्षा जास्त बँक खाती असणं पडू शकतं महागात, 'हे' आहे कारण